19-25 ya Fevereiro
ESALIMO 8-10
Nsipo 2 ni Nivekelo | Masu Oopacerya (1 min.)
1. “Apwiya! Kinnoxukhuruni”!
(10 min.)
Yehova Muluku oophenta ni oovaha. (Esa 8:3-6; Owehaweha 21.08 epaax. 3 etti. 6)
Ninnooniherya wiira ninnimuxukhuru Yehova, vaavo nnaaleela ahu atthu akina miteko sawe sootikiniha. (Esa 9:1; Owehaweha 20.05 epaax. 23 etti. 10)
Nave-tho, ninnooniherya omuxukhuru vaavo nimmwiipela ahu isipo ni murima wootheene. (Esa 9:2; Owehaweha 22.04 epaax. 7 etti. 13)
MWIIKOHEKE SO: ‘Inamuna xeeni sikina kikhanle aka oomuxukhuru Yehova?’
2. Itthu sa Efaita sa Mbiibiliyani
(10 min.)
-
Esa 8:4 — Exeeni Nasaalimo aaphavela awe ohimya ni moolumo oowi matata a Muluku? (Perspicaz vol. 1 epaax. 664)
-
Itthu xeeni sa efaita siphwannye anyu okathi mwaamusoma anyu Biibiliya esumana ela?
3. Omuleeri Biibiliya
(4 min.) Esa 10:1-18. (Wiixuttiha yoosoma 10)
4. Ovaanela Woopacerya
(3 min.) OLALEERYA EMPA NI EMPA. Vakhala wiira mwaneene etthoko onihimya wiira khonimukupali Muluku. (Waaphenta Atthu yoosoma 5 eponto 4)
5. Ohihiya Waakhaliherya
(4 min.) OLALEERYA MOOHIILOKIHERYA. Ovaanela wookiserya, mutthu owo aahimmye wiira khonimukupali Muluku, masi onniphavela wiixutta itthu sinooniherya wiira ookhala mpattuxa. (Wiixuttiha yoosoma 7)
6. Mwaha
(5 min.) Owehaweha 21.06 ipaax. 6-7 itti. 15-18 — Muru: Mwaakhaliheryeke Anaskola Anyu a Biibiliya Onvuwiha Yehova. (Wiixuttiha yoosoma 10)
Nsipo 10
7. Moota Woovaha Onamoona Mwa Enamuna Yooloka Masi Nihiilokihenrye
(10 min.) Mwaha ni makoho vakhaani.
Enamuna emosa nikhanle ahu oowuncererya onvuwiha wahu Yehova, ori waalaleerya ale ninkumana ahu okathi ninvara ahu miteko. (Esa 35:28) Wanipacerya pooti onixankihaka moota woovaha onamoona nihiilokihenrye. Masi akhala wiira nnimwiixutta moota woovaha onamoona nihiilokihenrye mwa enamuna yooloka, nnookhumelaka saana ni nnoosiveliwaka!
Nwehe EVIIDIYU Mukhaleke Oolikana Wira Mulaleye “Ihapari Sooreera sa Murettele” — Mpaceriheke Ovaanela ni Atthu. Nuumala-vo, mpake nikoho ninttharelana:
Eviidiyu ela ewiixuttinheni exeeni enrowa wookhaliheryani okhumela saana wiira mulaleerye mwihiilokihenrye?
Iponto vakhaani sinittharelana sinimookhaliheryani opaceriha ovaanela:
-
Khula okathi munkhuma anyu owaani, mphavelaseke inamuna sinrowa wookhaliheryani opaceriha ovaanela. Munvekeleke Yehova voohimya sa mwaha owo. Nave-tho munvekeleke Yehova wiira ookhaliheryeni waaphwanya atthu ooreera murima.
-
Mukhaleke oopatthaneya ni mwaathokoreryeke saana ale munaasuwela anyu. Nave nweheke soolepa sa mbiibiliyani sikhanle oomukhaliherya mutthu owo okathi munivaanela anyu.
-
Mphavelaseke inamuna sikhanle anyu ooturukana nummeru na telefoni, vaaweryaneyaka.
-
Muhixanke vakhala wiira ovaanela iwo omanle muhinatthi ovaha onamoona.
-
Muupuweleke saana voohimya sa mutthu owo nuumala ovaanelana. Muhihiye omureerela murima, nmwinviyarelaka elinkhi ya eversiikulu ya mbiibiliyani aahiiso mwaha ori va jw.org.
Mmananihe opaka ela: Akhala wiira mutthu mukina onnookohani so: ‘Nvirinhe sai wuumalani wa esumana?’ Mmuleeleke etthu mwiixuntte anyu omuthukumanoni aahiiso etthu mwiixuntte anyu mbiibiliyani ntoko namalaleerya.
8. Sootthuneya sa Mmulokoni
(5 min.)
9. Yoosoma ya Biibiliya ya Muloko
(30 min.) Mwiixutte Myaha sa Biibiliya Yoosoma 18
