8-14 ya Janeiro
YOOBI 34-35
Nsipo 30 ni Nivekelo | Masu Oopacerya (1 min.)
1. Okathi Sinikhumelela Aya Itthu Moohixariya
(10 min.)
Muhiliyale wiira Yehova khonipaka itthu sootakhala. (Yoob 34:10; Owehaweha N.o 1 2019 epaax. 8 etti. 2)
Vanikhala wiira atthu ootakhala khanihukhummwa mwaha wa itthu anipaka aya, masi Yehova onniweha itthu sootheene soohiloka anipaka aya. (Yoob 34:21-26; Owehaweha 17.04 epaax. 11 etti. 5)
Enamuna emosa nikhanle ahu oowaakhaliherya atthu anithokoreriwa moohixariya, ori owiixuttiha voohimya sa Yehova. (Yoob 35:9, 10; Mat 28:19, 20; Owehaweha 21.05 epaax. 7 itti. 19-20)
2. Itthu sa Efaita sa Mbiibiliyani
(10 min.)
Yoob 35:7 — Exeeni Elihu aaphavela awe ohimya vaavo aamukonhe awe Yoobi ohimyaka so: “[Muluku] oniphwanya-ní?” (Owehaweha 17.04 epaax. 28 etti. 3)
Itthu xeeni sa efaita siphwannye anyu okathi mwaamusoma anyu Biibiliya esumana ela?
3. Omuleeri Biibiliya
(4 min.) Yoob 35:1-16. (Wiixuttiha yoosoma 10)
4. Ovaanela Woopacerya
(3 min.) OLALEERYA EMPA NI EMPA. Munvahe kursu a Biibiliya. (Waaphenta Atthu yoosoma 10 eponto 3)
5. Ovaanela Woopacerya
(4 min.) OLALEERYA MOOHIILOKIHERYA. Mmooniherye mutthu orina anamwane acikhaani moota woophwanya myaha sa anamuyari, esaiti ahu jw.org. (Waaphenta Atthu yoosoma 1 eponto 4)
6. Waapaka Awiixutti
Nsipo 58
7. Munnisiveliwa ‘Olaleya Nuulumo na Muluku’ Moohilokiherya?
(15 min.) Mwaha ni makoho vakhaani.
Paulo aahimutumererya Timooteyo ohimyaka so: “Mulaleyeke nuulumo na Muluku; mukhaleleke nthiti”. (2 Ti 4:2) Nuulumo na ekereku noowi “mukhaleleke nthiti” ikwaha sikina naanirumeeliwa ophavelaka ohimmwa nakhotto aahiiso kwaarta khula okathi aari oowiilokiherya. Nave nuulumo nla ninninikhaliherya khula okathi okhala oolikana ene opaceriha ovaanela moohilokiherya wiira nilaleye ihapari sooreera.
Omphenta ni omuxukhurela wahu Yehova, sinniniiriha olavula ni atthu akina niwiixuttihaka mikhalelo sawe soovara murima.
Musome Esalimo 71:8. Nuumala-vo, mpake nikoho ninttharelana:
Itthu xeeni sa Yehova sinoosivelani waaleela atthu akina?
Waaphenta wahu atthu akina onniniiriha waalaleerya.
Mooniherye EVIIDIYU Moota Atthu Imilyau Sinceene Aphwanya Aya Ekeekhai ya Mbiibiliyani. Nuumala-vo, mpake makoho anittharelana:
Olaleerya moohilokiherya, waakhaliherye sai atthu oowiiraka 200 ophwanya ekeekhai ya mbiibiliyani?
Wiixutta ekeekhai waaturunke sai okumi wa ahooleli a ekerexa ele?
Waaphenta wahu atthu akina, onniiriha sai olaleerya moohilokiherya?
Mwa moonelo anyu, xeeni olaleerya moohilokiherya onaakhaliherya aya atthu anceene omusuwela Yehova?
8. Yoosoma ya Biibiliya ya Muloko
(30 min.) Mwiixutte Myaha sa Biibiliya Yoosoma 12
