Okathi aalavula awe Mwaha Vamwaako, Yesu aahimmye so: “Murima ohovaveni mutthokelelaka yolya walá yowurya emphavelelanyu olipana”. (Mat 6:25) Okhala wira apinaatamu toohimalela ni anikhala olumwenku ola wa Satana ikwaha sikina annixankiheya, masi Yesu aahiwiixuttiha atthareli awe wira ahitepeke wuukhuwa. (Esa 13:3) Nthowa xeeni? Okhala wira oxankiheyexa ni soophavela sa khula nihiku onoonikhulumula nave onooniiriha wooceela opacerya ophavela Omwene. (Mat 6:33) Ele Yesu aahimmye awe enoonikhaliherya ohiya oxankiheya ni soophavela sahu.

• Mat 6:26—Exeeni eniixutta ahu naawehaka axipalame? (w16.07 6 itti. 11-13)

• Mat 6:27—Xeeni vahinireerela aya ohonona okathi ni ikuru sahu? (w05-T 1/11 22 etti. 5)

• Mat 6:28-30—Exeeni nniixutta ahu ni ifilori sa mmathalani? (w16.07 6 itti. 15-16)

• Mat 6:31, 32—Mwa enamuna xeeni maKristau anivirikana aya ni atthu a mulaponi? (w16.07 6 etti. 17)

Exeeni kikhanle aka oopaka wira kihiye oxankiheya?