Mixankiho xeeni muniviriha anyu khula nihiku? Niireke mwa muhooleli a etthoko ni mookhalana miritti sinceene? Niireke munaahuwa aniinyu mekhinyu ni muhaana wiimananiha vanceene wira mulyihe etthoko anyu? Niireke mwa mmiravo oniramusiwa oxikola? Niireke munoowereyasiwa wala mwa mutthu oowuuluvala? Otheene ahu ninniwanana mixankiho soovirikana. Nave anna anceene anniwanana mixankiho sinceene okathi omosaru. Masi hiyo ninnisuwela wira Yehova onoomaliha mixankiho sahu sotheene.—2 aKo 4:16-18.

Nlipelelaka ophiya okathi owo, nihaana okupali wira Yehova onnisuwela mixankiho sahu. Owo onnihakalala mwaha wa ororomeleya wahu ni ovilela. Nto muhoolo, owo onoonireeliha vanceene. (Yer 29:11, 12) Nave Yesu onnixankiheya ni khula mmosa a hiyo. Okathi ninwanana ahu mixankiho sahu, nihaana wuupuwela masu a Yesu: “miyo kiri ni nyuwo”. (Mat 28:20) Okathi nnuupuwelela ahu woopoliwa Yehova onnileiherya awe muhoolo, nlipelelo nahu ninkhala noolipa nave ninninikhaliherya ovikaniha ovilela.—aRo 8:19-21.

NWEHE EVIIDIYU ENI: VANO VANAATTAMELA AYA EPHEYO YUULUPALE, MUTEPEKE OMUUPUWELA YESU!—MAREELIHO A MUHOOLO A OMWENE , NUUMALA-VO MWAAKHULEKE MAKOHO ALA ANITTHARELANA:

• Moota xeeni apinaatamu avalanne aya ni Muluku? Ni exeeni ekumihenrye aya?

• Mareeliho xeeni anrowa aya waakhela ale anrowa ovikaniha okhala oororomeleya wa Yehova?

• Mareeliho awo anrowa oweryaneya sai?

• Mareeliho xeeni ninrowa ahu waakhela muhoolo nyuwo munlipelela anyu?