Yehova aahitthokiha nloko na aIsarayeli khalai. Nave olelo-va, onnaatthokiha atthu awe. Mwaha wa yeeyo, ninniwerya opaka yootthuna awe. Olumwenku wotheene, ifiliyaali, isirkwiito, miloko, ni ikrupu sa muteko woolaleerya sinnivara hoothe wira sikhaliherye muteko woolaleerya. Ninnaalaleerya atthu otheene, waahela muhina ale anilavula mattaava makina.—Wiis 14:6, 7.

Niireke nyuwo munnuupuwelela wiixutta nttaava nikina wira mmukhaliherye mutthu wiixutta ekeekhai? Akhala wira khamurina okathi wowiixutta nttaava nikina, munoonela sai omurumeela aplikativo JW Language wira mwiixutte moota woolaleerya murumeelaka nttaava nikina? Vakhala wira munoopaka eyo, munoophwanya ohakalala yaaphwannye aya maKristau a eseekulu yoopacerya okathi yaalaleerya aya atthu a maloko makina. Atthu awo yaahitikinihiwa vaavo yiiwale aya “miteko suulupale sa Muluku” ni nttaava naya.—Mit 2:7-11.

NWEHE EVIIDIYU ENI: MUKHALE MPATTHANI A YEHOVA—MULALEERYE NI NTTAAVA NA ELAPO EKINA , NUUMALA-VO MWAAKHULEKE MAKOHO ALA ANITTHARELANA:

• Okathi xeeni mukhanle anyu oomurumeela aplikativo JW Language?

• Exeeni munrowa anyu ophwanya aplikativo owo?

• Mattaava xeeni makina anilavuliwa muttetthe anyu?

• Exeeni mukhanle anyu oopaka mwamphwanya mutthu onisiveliwa ekeekhai masi onilavula nttaava nikina?—od ipaax. 100-101 itti. 39-41