Mutthenkeso wa Yehova onniimananiha olokiherya malakiheryo a “ovaanela voohimya sa Biibiliya”. Anamalaleerya anceene anniphwanya mirereelo vaavo antthara aya malakiheryo awo. Masi khula muttetthe makhalelo annivirikana. Nto mwaha wa yeeyo anamalaleerya annirumeela inamuna sovirikana okathi anilaleerya aya, aahiiso annilavula mwaha onaasivela atthu a muttetthe aya. Ekeekhai wira okathi wa ekampaanya ya vameekhaaya, ootheene ahu nihaana otthara malakiheryo ninvahiwa ahu. Yoolakela ahu wiiwelela etthu Yesu oniruma awe ya olaleya ihapari sooreera sa Omwene. — Mat 24:14.

Ipantte sa anaxikola, anamalaleerya ahaana orumeela mpantta wa “ovaanela voohimya sa Biibiliya” oniphwanyaneya Ekaderno Enirumeeliwa Omuthukumanoni. Vahikhanle wira avahiwe malakiheryo makina, anamalaleerya pooti othanla nikoho nikina wira apacerihe ovaanela, nikoho aniphavela aya ohiya ni yoolepa aniphavela aya osoma moovarihana ni makhalelo a mapuro awo. Malakiheryo ala, anituruka malakiheryo yaakumiheriwe ekaderno enirumeeliwa omuthukumanoni ya Junho ya 2020, epaaxina 8.