Mweeri wa Setembro, nnoovara muteko muulupale woopaceriha soosoma sa Biibiliya nirumeelaka ebroxura Okumi Woohimala!. Anamalaleerya aniphavela okhala mapioneero okhaliherya pooti ovaha iwoora 30. Ninrowa okhaliherya sai ekampaanya ela ya vameekhaaya?

• Ekwaha yoopacerya oovaanela: Murumeele ekaa- pa yookiserya ya ebroxura wira mpacerihe ovaane- la, nuumala-vo, mmooniherye moota eniiriwa aya yoosoma ya Biibiliya. Nwuupuweleke ale yaasiveli- we ekeekhai waahela muhina ale mwaatonko anyu waaxukurya. Woonasa wene, atthu yaale khalai yahaaphavela omusoma Biibiliya, pooti weemererya yoosoma ya Biibiliya ni osiveliwa ebroxura ela ninrumeela ahu. Muhihiyeke ebroxura ipa sihikhanle atthu ni nihaaroiheleke mu envelopeni atthu yaale khalai yahaasiveliwa omusoma Biibiliya. Ekomisau ya Muteko ya Muloko pooti opaka mareheryo wira okhaleke muthukumano wa muteko woolaleerya mweeri owo.

• Iparakha Sikina: Akhala wira muloko anyu onnilaleerya ni ekarinyu aahiiso meesa, mukaweke ebroxura Okumi Woohimala!. Mwaaleeleke atthu anisiveliwa ebroxura wira yaphavela vale awo pooti okhalana kursu a Biibiliya mahala. Okathi munivaanela anyu mmooniherye moota enipakiwa aya yoosoma ya Biibiliya aahiiso pooti wiivahererya wira mmooniherye nihiku nikina. Mutokweene oniweherya muteko woolaleerya, pooti waathanla anamalaleerya oophwanelela wira yaavahe ebroxura eyo atthu animweetta nakoso muttetthe owo ni waavaha yoosoma ya Biibiliya. Nyuwo pooti opacerya waasomiha Biibiliya, atthu munivarana anyu muteko aahiiso atthu munaaphwanya anyu okathi munilaleerya anyu moohiilokiherya.

Yesu tonirumme ‘owiixuttiha atthu’ wira akhale ‘awiixutti’ awe. (Mat 28:19, 20) Tthiri ekampaanya ela, enoonikhaliherya opaka eyo nirumeelaka ebroxura Okumi Woohimala!.