MUKHALELEKE NTHITI MUTEKO WOOLALEERYA | NINCERERYE OHAKALALA WAHU OKATHI WOOLALEERYA
Mwiixuttiheke Moovara Murima
Omwiiwelela Muluku etthu enikhuma vamurimani. (Mir 3:1) Ti maana aya, okathi nniixuttiha ahu, nihaana wiimananiha ovara murima wa ale nnaasomiha ahu. Moota xeeni?
Muhimwiixuttiheke naxikola anyu ikeekhai sa mBiibiliyani paahi, masi mmukhaliheryeke woona ovareleya waya muteko mookumini mwawe ni waataana wawe ni Yehova. Nave mmukhaliheryeke woona moota malakiheryo a mBiibiliyani anooniherya aya wira Muluku toophenta, tooreera murima ni axariya. Moreerela murima mpakeke nikoho ninrowa wookhaliheryani osuwela moota onoonela awe ele eniixutta awe. Nave mmukhaliheryeke woona oreerela waya opaka marukunuxo mweekumini mwawe. Tthiri okathi muninweha anyu naxikola anyu ooniheryaka omphenta wawe Yehova, nyuwo munootteeliwa aka murima vanceene.
NWEHE EVIIDIYU ENI: MPHWANYE OHAKALALA NI MUTEKO WOWAAPAKA AWIIXUTTI—NILOKIHERYEKE INAMUNA SAHU—MWIIXUTTIHEKE MOOVARA MURIMA , NUUMALA-VO MWAAKHULEKE MAKOHO ALA ANITTHARELANA:
-
Exeeni yaamwiirinhe Rita omukoha Rosa wira: “Niireke munnuupuwela etthu naalavunle ahu Segunda-feira?”
-
Moota xeeni Rita aamukhalihenrye awe Rosa oweha moota malakiheryo a mBiibiliyani anooniherya aya wira Yehova onimphenta yena?
-
Okathi nniixuttiha ahu vakhala wira nnoovara murima wa anaxikola ahu, eyo enoomwiiriha omwaattamelexa Yehova
Rita omukhalihenrye sai Rosa woona moota okhanle awe omphenta Muluku?
