Ovaanela moohiilokiherya, etthu emosa yootepa ohakalaliha ni yoovara murima ennikhaliherya olaleerya. Masi hiyo, pooti oxankiheya vanceene vakhala wiira ninnuupuwela mootepana moota woopaceriha ovaanela. Nto, muhixankeke mootepana muupuwelaka ele enrowa anyu ohimya! Masi, muupuweleke paahi moota woomuthokorerya mutthu onrowa anyu olavulana. (Mat 22:39; aFi 2:4) Vakhala wiira okathi munivaanela anyu ni mutthu owo, munniphwanya manera oolaleerya, sihaavo itthu sinceene sikhanle oowookhaliheryani.

Itthu sinittharelana, sinrowa wookhaliheryani sai olaleerya, muttottelaka mureerelo mwaha okhumelenle okathi onivaanela anyu?

NWEHE EVIIDIYU ENI: “EYUMA ENNONIWA NI EYUMA EKHW’AYA” — OPACERIHA OVAANELA. NUUMALA-VO, MWAAKHULE NIKOHO NINTTHARELANA:

Itthu xeeni 3 sinrowa onikhaliherya olaleerya moohilokiherya, masi moovara murima?