Audiyu a Mbiibiliyani Exeeni? Audiyu a mbiibiliyani ekaravasau ya Biibiliya Tradução do Novo Mundo oorevisariwa. Audiyu owo a mbiibiliyani onnikumiheriwa vakhaani-vakhaani mattaava manceene. Nave ekaravasau ya audiyu a Biibiliya owo annirumeeliwa masu oovirikana moovarihana ni atthu anihimmwa mbiibiliyani. Moolumo oogravariwa a mbiibiliyani, annisommwa mookhalela wiira yiiwanyeiheke muhupi wa mbiibiliyani.

Moota xeeni munrowa anyu ottottela mureerelo moolumo oogravariwa a mbiibiliyani? Atthu anceene aninwiriyana audiyu owo, onnaasivela vanceene maana onnaavara murima. Okathi atthu awo aniwiriyana aya masu ookaravariwa a mbiibiliyani a atthu oovirikana, awo anniwerya wiiwexexa saana ele aniwiriyana aya mbiibiliyani ni ottottela mureerelo. (Mir 4:5) Nave atthu anceene aninwiriyana audiyu ookaravariwa a mbiibiliyani, ahoona wiira onnaamaaliha okathi anixankiheya aya. — Esa 94:19.

Nave owiriyana Nuulumo na Muluku nisommwaka, pooti onikhaliherya mookumini mwahu. (2 Wa 34:19-21) Akhala wiira audiyu a mbiibiliyani onniphwanyaneya oomalela aahiiso oohimalela nttaava muniiwexexa anyu, niireke munoorowa opaka okhala yoolema anyu onwiriyana khula nihiku?

NWEHE EVIIDIYU ENI: MOOTA ONIPAKIWA AWE AUDIYU A MBIIBILIYANI — EVIIDIYU YAAMUKHAANI. NUUMALA-VO MWAAKHULE NIKOHO NINTTHARELANA:

Exeeni yoosivenleni vanceene sa moota onipakiwa awe audiyu a mbiibiliyani?