“Apwiya [Yehova] annaphenta atthu aya”. (Esa 149:4) Nnaamwi niri ene atthu oottheka, owo onniweha mikhalelo sahu sooloka ni ele ninrowa ahu owerya opaka muhoolo. Ikwaha sikina hiyo pooti ohiwehaka mikhalelo sahu sooloka. Eyo pooti wiiraneyaka vakhala wiira atthu akina khannithokorerya saana. Aahiiso mwaha wa itampi naapanke ahu khalai, hiyo pooti waanyiheryaka vakhala wiira Yehova tthiri onniniphenta. Exeeni enrowa onikhaliherya okathi sinniphwanya aya mixankiho iyo?

Muhiliyale wiira Yehova khoniweha erutthu masi oniweha murima. (1 Sa 16:7) Eyo enitaphulela wiira, Yehova onniwerya oweha itthu hiyo nihinwerya ahu woona. Ti voohakalaliha osuwela moota Yehova onnikhaliherya awe. Nnoowerya osuwela eyo nisomaka soowiiraneya sa mbiibiliyani, seiyo sinooniherya moota Yehova onaaphenta awe arumeyi awe.

NWEHE EVIIDIYU ENI: MUKUPALIKI WIIRA YEHOVA OHOOLEVELELANI. NUUMALA-VO MWAAKHULE MAKOHO ALA ANITTHARELANA:

• Ntakiheryo na mmiravo onitthimaka ooniheriwe nviidiyuni, ninniixuttiha exeeni sa moota Yehova onnithokorerya awe?

  Your answer

• Akhala wiira mutthu oopaka etampi yuulupale nuumala-vo olokiherya mweettelo awe, exeeni enrowa omukhaliherya okupali wiira Yehova oomulevelela? — 1 Yo 3:19, 20

  Your answer

• Osoma ni wuupuwelela yoowiiraneya ya Davidi ni Yosafati, emukhalihenrye sai munna ole?

  Your answer