Okhala oohakalala onniwiiriha atthu akina nave ohakalala. Vaavo ninlavula ahu moohakalala, atthu anoovahaka ephoole ele enihimya ahu. Nave eyo enooniherya wira ninnivaha efaita muhupi ahu. Moohicikha opuro ninkhuma ahu wala omutthu ahu, hiyo nnoowerya okhala oohakalala. (aRo 12:11) Moota xeeni?

Wanipacerya, muupuweleleke efaita orina aya muhupi anyu. Nyuwo mookhalana eparakha yoolaleya “ihapari sooreera sa itthu sooreera!” (aRo 10:15) Ya nenli, muupuweleleke mureerelo onrowa aya ophwanya ale aniwiriyana. Awo tthiri aniphavela owiriyana ele eniphavela anyu waaleela. (aRo 10:13, 14) Yookiserya, muhilavuleke mwa enamuna enaaphwanyiha ikhove alipa oowiriyana, murumeeleke matata anyu owiitho ni ipantte sikina sa erutthu.

NWEHE EVIIDIYU ENI: MPHWANYE OHAKALALA NI MUTEKO WOWAAPAKA AWIIXUTTI—NILOKIHERYE INAMUNA SAHU—MWIIXUTTIHEKE MOOHAKALA , NUUMALA-VO MWAAKHULE MAKOHO ALA ANITTHARELANA:

• Exeeni yaavukunle ohakalala wa Rita vaavo aamusomiha awe Rosa Biibiliya?

• Exeeni yaamukhalihenrye Rita wuncererya ohakalala wawe?

• Xeeni vanreerela aya ovaha ephoole mikhalelo sooloka sa ale anniwiriyana?

• Moota xeeni ohakalala wahu onrowa aya waaphwanyiha mureerelo ale nnaasomiha ahu Biibiliya ni atthu akina?