Ottaruxiwa ontaphulela wiixuttihiwa, nave pooti ohela muhina opwapweliwa wala ohukhummwa. Yehova onninittaruxa wira nimukokhoreleke mwa enamuna oneemererya awe. (aRo 12:1; aHe 12:10, 11) Ikwaha sikina nnaamwi ottaruxiwa owereyaka, eyo ennikumiherya exariya ni mareeliho. (Mir 10:7) Exeeni anireerela aya wuupuwelela ale anivaha ni anivahiwa miruku?

Mulipa oovaha miruku. Axitokweene, axipaapa ni anna akina anniimananiha vanceene wira avahe miruku mooreerela murima ni mwa niphento ntoko Yehova. (Yer 46:28) Hata ottaruxiwa owereyaka, ohaana ovahiwa moovarihana ni makhalelo ni mwa niphento.—Tit 1:13.

Mulipa onittaruxiwa. Moohicikha enamuna ninvahiwa ahu miruku, nihaana wiiwelela ni ovarihela muteko moohipisa. (Mir 3:11, 12) Mwaha wookhala atthu oohimalela, otheene ahu ninnireerela ottaruxiwa, weiwo onirwa mwa inamuna soovirikana. Hiyo pooti ottaruxiwa okathi nimmusoma ahu Biibiliya ni okathi ninwiriyana ahu mithukumano. Ikwaha sikina, atthu akina pooti ottaruxiwaka okathi wa ekomisau ya ophukela. Vakhala wira nnimweemererya ottaruxiwa iwo, nikupaliki wira nnookhalana okumi wooloka mahiku ootheene.—Mir 10:17.

MOONIHERYE EVIIDIYU ENI: ‘YEHOVA ONNAPWAPWELA ALE ONAPHENTA AWE’, NUUMALA-VO MWAAKHULE MAKOHO ALA ANITTHARELANA:

• Okumi wa munna Canon waapacenrye sai, ni marukunuxo xeeni yaamukhumelenle?

• Mwa enamuna xeeni Yehova aamuttarunxe awe?

• Ntakiheryo nla ninniixutta exeeni?