Vaavo ninvilela ahu wanikisa wa ‘mahiku ala ookiserya’, mixankiho sinrowa wuncerereyaka. (2 Ti 3:1; Mat 24:8) Okathi sinikhumelela aya ihasara sa ephattu arumeyi a Yehova annaakhela malakiheryo, yaawo anaakhaliherya woopola ikumi saya. Woopowa wahu onlipa ni moota nniiwelela ahu olelo-va, okhale momunepani wala mukhalelo wa weerutthuni.—Luk 16:10.

• Mwiilokiheryeke momunepani: Mukhalaneke soolema sooloka. Mwiixutteke inamuna soovirikana sa olaleerya. Muhixankiheyeke okathi muhinkhala anyu vamosa ni muloko. (Yes 30:15) Nave mukupaliki wira Yehova ni Yesu khanikhala-khala yoonyanyalakani.—od epaax. 176 itti. 15-17

• Mwiilokiheryeke muthinto wa weerutthuni: Ohiya okhalana murupa wa mukwaha paahi, khula emusi ehaana olokiherya eyoolya, maasi, murette ni itthu sikina, vakhala wira anooviriha okathi munceene ahikhanle owaani.—Mir 22:3; g17.5-T epaax. 4, etti. 6

NWEHE EVIIDIYU ENI: MUNROWA OPAKA EXEENI OKATHI WA EHASARA YA EPHATTU?, NUUMALA-VO MWAAKHULE MAKOHO ALA ANITTHARELANA:

• Ninrowa wiilokiherya sai momunepani vaavo enikhumelela aya ehasara?

• Xeeni ninreerela ahu . . .

  • ovaanelaka ni axitokweene?

  • olokiherya murupa woohela itthu?

  • osuwela ihasara sikhanle ookhumelela muttetthe ahu ni osuwela etthu yoopaka?

• Inamuna xeeni tthaaru nikhanle ahu oowaakhaliherya atthu akina vaavo sinaakhumelela aya ihasara?

MWIIKOHEKE SO: ‘Exeeni kiniixutta aka voohimya sa wiilokiherya okathi wa oretta ola wa COVID-19?’