Vaavo vanaattamela aya wanikisa wa olumwenku ola, itthu ntoko manyaku-nyaku, terrorismu ni ikhotto sinimuncerereya aka. (Wiis 6:4) Ninrowa wiilokiherya sai sihinatthi okhumelela mixankiho iyo?

• Mukhalaneke waataana wooloka ni Muluku: Musomeke malakiheryo ni sowiiraneya siri mBiibiliyani, wira muncererye omuroromela wanyu Yehova ni mutthenkeso awe, seiyo sinrowa wookhaliheryani ohiirela mpantta myaha sa mulaponi. (Mir 12:5; jr ipaax. 125-126 itti. 23-24) Nave ola okathi wooreerela mukhanle anyu oolipiha waataana wanyu ni anna a mmulokoni.—1 Pe 4:7, 8

• Mwiilokiheryeke vahinatthi: Muupuweleke etthu yoopaka, vakhala wira, enookhumelela etthu enrowa wookhoottiheryani okhuma owaani. Musukeke eyoolya eniphiyerya. Muupuweleke etthu munrowa anyu opaka, vakhala wira muhaana okhuma owaani moowaakuveya. Nweheke itthu muhenle anyu murupa anyu wa emergênçia, ni mpweheke musurukhu ni itthu sikina sinrowa wookhapelelani ntoko iluuva ni amaaskara. Musuweleke moota mukhanle anyu ookumana ni axitokweene a muloko anyu ni nweheke vakhala wira awo aakhalana nummuru nanyu na selulari.—Yes 32:2; g17.5 ipaax. 3-7

Okathi wa ekhotto, muhihiyeke opaka itthu sinrowa wookhaliheryani olipiha waataana wanyu ni Yehova. (aFi 1:10) Muhikhume opuro muri anyu murowaka opuro mukina vahireerelaka. (Mat 10:16) Ohiya-vo, mwaavaheke atthu akina itthu murina anyu.—aRo 12:13.

NWEHE EVIIDIYU ENI: MUNROWA OPAKA EXEENI OKATHI WA EHASARA YA EPHATTU?, NUUMALA-VO MWAAKHULE MAKOHO ALA ANITTHARELANA:

• Yehova onrowa onikhaliherya sai okathi enikhumelela aya ehasara?

• Etthu xeeni nikhanle ahu oopaka ehinatthi okhumelela ehasara?

• Ninrowa waakhaliherya sai axinna aphwanyiwe ni ehasara?