Olaleerya Wookhweya
OWEHAWEHA
Nikoho: Niireke nyuwo mootoko wiiwa masu ala oosuwelexiwa?
Yoolepa: Yoh 3:16
Moota Wookawa: Erevista ela Owehaweha ennitthokiherya moota ohaawa ni wiiviwa wa Yesu onrowa aya woophwanyihani mureerelo.
OWEHAWEHA (epaaxina yookiserya)
Nikoho: Xontte nwehe nikoho nla ni moota atthu anceene anaakhula aya. [Musome nikoho noopacerya ni waakhuliwa olempwale vaavo.] Ankhi nyuwo mwaarowa waakhula sai?
Yoolepa: Math 4:1-4
Moota Wookawa: Okhala wira Diabo aahivaanela ni omweehererya Yesu, tthiri Diabo khahiyo etthu yootakhala eri vamurimani va mutthu paahi. Munnisuwela itthu sikina Biibiliya sinilavula awe voohimya sa Diabo? Muru ola onnitthokiherya itthu iyo.
EPAPHELO YA NLATTULO
Moota Wookawa: Ehaali, Nnaavaha atthu a mmuttettheni efolyeeto ela enaalattula orowa muthukumano wa vameekhaaya wootepa otthuneya. [Munvahe mutthu owo epaphelo emosa ya nlattulo.] Nihiku na 23 a Março, atthu anceenexa anrowa othukumana wira yuupuwelele okhwa wa Yesu Kristu ni owiriyana mwaha onikhuma mBiibiliyani onooniherya mureerelo nimphwanya ahu mwaha wa okhwa wawe. Nlattulo nla ninnooniherya opuro ni okathi wa wuupuwelela iwo mmuttettheni mwahu. Xontte murwe nwiriyane.
MULEPE MOOLUMO ANYU OOLALEERYA
Murumeele malakiheryo ala wira mulepe moolumo anyu oolaleerya.
