MIHAKHU SINIKHUMA MBIIBILIYANI | YOB 1-5
Yobi Aahivikaniha Oororomeleya Nnaamwi Eehereriwe Vanceene
Yobi aakhala muttetthe wa Usi okathi yoole aIsarayeli yaaryaaya ipottha wEjiitu. Nnaamwi Yobi ahaari mutthu a nloko na Isarayeli, aanimurumeela Yehova moororomeleya. Owo ahikhalana emusi yuulupale, aari thaaciri ni aari oovuwa mmuttettheni mwaakhala awe. Owo aari namavaha miruku oottittimihiwa vanceene ni namaphuka ahaathanla atthu. Owo anaakhaliherya amasikhini ni atthu oothoiwa. Yobi aari mulopwana oororomeleya.
Yobi ahooniherya wira aanimuhela Yehova nipuro noopacerya mweekumini mwawe
-
Satana aanoona wira Yobi aari mutthu oororomeleya. Owo khaavanyale wira Yobi animurumeela Yehova, masi Satana oothererya wira Yobi aamurumeela Muluku mwaha wa mireerelo saavahiwe awe.
-
Satana aahimootherya Yobi wira aamurumeela Yehova mwaha wa mireerelo.
-
Wira aakhule wootha wa Satana, Yehova aheemererya wira Satana eehererye waamini wa mulopwana ole a xariya. Satana aahipahula makhalelo otheene a ekumi ya Yobi.
-
Nuumala woona wira Yobi khaahiiye omuroromela wawe Muluku, Satana aahivenyerya owootherya apinaatamu otheene.
-
Mwa itthu iya sotheene Yobi khaamutthekenle Muluku wala omootherya wira oopaka etthu yoohiloka.
