MIHAKHU SINIKHUMA MBIIBILIYANI | YOBI 11-15
Yobi Aanaamini Wira Alipa-Ookhwa Anoohihimuxiwa
Yobi Aahooniherya waamini owerya wa Muluku wa omuhihimuxa yena
-
Yobi aahirumeela mwiri, woonasa wene mwiri wa olivera wira ooniherye owerya wa Muluku wa omuhihimuxa yena.
-
Mitathaari soorakama ni sowaatta sa mwiri wa olivera sinnikhaliherya mwiri owo ophuwa hata wiikitthiwaka. Mitathaari sa mwiri owo sakhalaru sikithi, nto onoowerya ophuwela-tho.
-
Okathi onipacerya aya orupa epula ya eyiita, exa ya mwiri wa olivera enninaanihiwa ni epula eyo, nto khiyapacerya ophuwa mmitathaarini mwaya “iritta sa nanano”.
