Nuulumo na Muluku nookhalana owerya! (aHe 4:12) Nlo pooti waavara murima hata atthu yaale ahinimusuwela Muluku. (1 aTe 1:9; 2:13) Ninnitteeliwa murima, vaavo nninweha ahu mutthu osiveliwaka ekeekhai iixuntte awe mBiibiliyani.

NWEHE EVIIDIYU ENI: MPHWANYE OHAKALALA NI MUTEKO WOWAAPAKA AWIIXUTTI—NILOKIHERYE INAMUNA SAHU—MURUMEELEKE OWERYA WA NUULUMO NA MULUKU , NUUMALA-VO MWAAKHULEKE MAKOHO ALA ANITTHARELANA:

• Moota xeeni Rita orumeelale awe owerya wa nuulumo na Muluku, wira omukhaliherye Rosa oweha otthuneya waya otokosa Nuulumo na Muluku ohinatthi opaka soothanla?

• Moota xeeni Rita orumenle awe owerya wa Nuulumo na Muluku, wira ottittimiherye eponto yuulupale ya yoolepa eyo?

• Exeeni enooniherya wira yoolepa ele yaahinvara murima Rosa, nto Rita oonenle sai?