Okhala wira Yehova “Muluku oohakalala”, nto oniphavela wira hiyo nave nihakalaleke okathi ninlaleerya ahu. (1 Ti 1:11) Vaavo ninlokiherya ahu inamuna sahu soolaleerya ohakalala wahu onnincerereya. Opaka makoho onninikhaliherya opaceriha ovaanela nave pooti omwiiriha mutthu ophavela wiixutta ekeekhai. Makoho anniwiiriha atthu akina wuupuwelela. (Mat 22:41-45) Ompakela nikoho mutthu ni onwiriyana ni ephoole waakhula wawe eyo enooniherya wira ninnimuthokorerya mutthu owo. (Yak 1:19) Moota onaakhula awe onoonikhaliherya osuwela moota woovikaniha ovaanela.

NWEHE EVIIDIYU ENI: MPHWANYE OHAKALALA NI MUTEKO WOWAAPAKA AWIIXUTTI—NILOKIHERYE INAMUNA SAHU—OPAKA MAKOHO , NUUMALA-VO MWAAKHULEKE MAKOHO ALA ANITTHARELANA:

• Mikhalelo xeeni nwenhe anyu nviidiyuni soonihenrye awe Rosa?

• Rita orumeelale sai makoho mwa enamuna yookhalela?

• Enamuna xeeni Rita orumeelale awe makoho wira wuncererye osiveliwa ekeekhai wa Rosa?

• Nikoho xeeni Rita opanke awe wira omukhaliherye Rosa wuupuwelela?