29 a Abril–5 a Maio
ESALIMO 34-35
Nsipo 10 ni Nivekelo | Masu Oopacerya (1 min.)
1. “Kinimwattottopela Apwiya Okathi Wothene”
(10 min.)
Davidi aaninvuwiha Yehova hata okathi samphwanya aya mixankiho. (Esa 34:2-4; Sentinela 07 1/3 epaax. 22 etti. 11)
Davidi aahimuttottopela Yehova ohiya wiittottopa. (Esa 34:2-4; Sentinela 07 1/3 epaax. 22 etti. 13)
Moolumo a Davidi yanvuwiha Yehova, yaahaalipiha apatthani awe. (Esa 34:5; Sentinela 07 1/3 epaax. 23 etti. 15)
Nuumala Davidi woopoliwa mmatatani mwa Abimeleki, alopwana 400 yaaixinliha ni Sawuli yaahitakaahana ni Davidi woothakoni. (1 Sa 22:1, 2) Woonasa wene okathi aalepa awe Esalimo ele, Davidi aaniwuupuwela alopwana awo. — Esa 34, moolumo ari wanipacerya wa ekapiitulu.
MWIIKOHEKE SO: ‘Kinrowa onvuwiha sai Yehova ni moolumo aka okathi wa mithukumano sa mmulokoni sinittharelana?’
2. Itthu sa Efaita sa Mbiibiliyani
(10 min.)
-
Esa 35:19 — Xeeni Davidi anvekenle awe Yehova wiira ohaahiye ale yaamunyokha ‘amutheyaka’? (Owehaweha 06 15/5 epaax. 20 etti. 2)
-
Itthu xeeni sa efaita siphwannye anyu okathi mwaamusoma anyu Biibiliya esumana ela?
3. Omuleeri Biibiliya
(4 min.) Esa 34:1-22. (Wiixuttiha yoosoma 5)
4. Ovaanela Woopacerya
(2 min.) OLALEERYA MOOHIILOKIHERYA. Akhala wiira munnimaliha ovaanela ni mutthu, masi muhinatthi omulaleerya. (Waaphenta Atthu yoosoma 1 eponto 4)
5. Ohihiya Waakhaliherya
(4 min.) OLALEERYA MOOHIILOKIHERYA. (Waaphenta Atthu yoosoma 2 eponto 4)
6. Otthokiherya Sookupali Sanyu
(5 min.) Yoowooniherya. Perguntas Frequentes epaax. 59 — Muru: Moota Xeeni Anamoona a Yehova Anithanla Aya Akhala Wiira Animwiirela Mpantta Aahiiso Nnaari Nihiku na Eferiyatu? (Wiixuttiha yoosoma 17)
Nsipo 59
7. Inamuna Tthaaru sa Onvuwiha Yehova Mmithukumanoni
(15 min.) Mwaha ni makoho vakhaani.
Sookhala inamuna sinceene nikhanle ahu onvuwiha Yehova okathi wa mithukumano. Nrowe niwehe inamuna tthaaru.
Ovaanela: Okathi munivaanela anyu ni atthu akina, mulavuleke itthu sinivarihana ni oreera murima wa Yehova. (Esa 145:1, 7) Niireke moosoma aahiiso muhiiwa etthu yookhalihenryeni ophwanya mureerelo? Okathi mwaalaleerya anyu, niireke moophwanya yoowiiraneya yoohakalaliha? Niireke ookhala mutthu olavunle aahiiso opanke etthu yoolipinheni vanceene? Niireke mooweha etthu Muluku opattunxe awe yoovanreni murima? Itthu iya sootheene, soovaha sinikhuma wa Yehova. (Yak 1:17) Mwiimananiheke ophiya omithukumanoni sihinatthi opacerya, wiira mukhalane okathi woovaanela ni atthu akina.
Ikomentaario: Mwiimananiheke okomentari vaaweryaneyaka ekwaha emosa khula muthukumano. (Esa 26:12) Nyuwo pooti waakhula mooluluwanya nikoho, wuncererya ekomentaario ya yoolepa aahiiso eponto, okomentari mutthokiheryaka ifootu aahiiso moota woovarihela muteko mwaha onithokoreriwa. Muhiliyale wiira atthu akina pooti ovenxaka ntata okathi omosa-ru ni nyuwo, nto muhaana olokiherya ikomentaario sinceene. Akhala wiira nnoovahaka ikomentaario sookhuveya sa isekuntu 30 aahiiso ohiphiya, atthu akina anooweryaka okhalana eparakha ya “onvaha mukuttho Muluku”. — aHe 13:15.
Masipo: Mwiipeke omuthukumanoni ni murima anyu wootheene. (Esa 147:1) Woonasa wene, pooti ohiwerya okomentari muthukumano wootheene, otepexa wene miloko suulupale sihireere aya atthu anikomentari. Masi nyuwo muhaana wiimananiha wiira mwiirele mpantta isipo. Hata moonaka wiira khamunisuwela wiipa saana, muhiliyale wiira Yehova onnihakalala ni wiimananiha wanyu! (2 aKo 8:12) Nyuwo pooti wiilokiherya munsayariki wiipa isipo iyo sa Omwene owaani.
Nwehe EVIIDIYU Yoowiiraneya Ahu Yoovara Murima — Wiipa ni Murima Wootheene, Mpantta 1. Nuumala-vo, mwaakohe alipa-oowiriyana nikoho ninttharela:
Okhuma khalai, yoowiiraneya ya mutthenkeso wa Yehova, enooniherya sai wiira wiipa onninvuwiha Yehova ni etthu ya faita yuulupale?
8. Yoosoma ya Biibiliya ya Muloko
(30 min.) Mwiixutte Myaha sa Biibiliya Yoosoma 28
