MAKHALELO A MAKRISTAU
Nilokiherye Inamuna Sahu Soolaleerya—Wiixuttiha Nirumeelaka Iviidiyu
OTTHUNEYA WAYA: Iviidiyu sinniwerya ovara murima wa atthu okhala wira anniwerya woona ni wiiwa ele enilavuliwa. Okhala wene atthu waasivela oweha iviidiyu ni etthu mutthu yoonale awe opisa oliyaleya. Yehova oovaha ntakiheryo noolokexa na orumeela itthu sinooneya wira owiixuttihe atthu.—Mit 10:9-16; Wis 1:1.
Iviidiyu sini: Niireke Muluku Ookhalana Nsina?, Ti Pani Ori Mwaneene Biibiliya?, ni Ninrowa Okupali Sai Wira Biibiliya Teekeekhai? sinnitthokiherya soosoma 2 ni 3 sa ebroxura Ihapari Sooreera. Nave iviidiyu sini: Xeeni Vanitthuneya Anyu Omusoma Biibiliya? Enipakiwa Sai Yoosoma ya Biibiliya? Exeeni Eniiraneya Empa ya Omwene? sinnaatumererya atthu ophavela omusoma Biibiliya ni orowa omuthukumanoni sa mmulokoni. Iviidiyu sikina soolikana ni iya pooti orumeeliwa okathi oniiriha ahu soosoma sa Biibiliya.—km 5/13 7.
MOOTA WOOPAKA EYO:
-
Mpaceryeke obaxari owaani eviidiyu eniphavela anyu orumeela mulaleeryaka.
-
Mulokiheryeke nikoho nimosa wala manli yaawo anrowa waakhuliwa ni eviidiyu eyo.
-
Nweheke eviidiyu eyo hoothe.
-
Muthokoreryeke iponto suulupale sa eviidiyu eyo.
MWEERERYE ELA MWEERI YOOLA:
-
Murumeele epaaxina yookiserya ya khula etratato, nto mmooniherye ekoodiko eri vaavo wira ophwanye eviidiyu eni Xeeni Vanitthuneya Anyu Omusoma Biibiliya?
-
Mooniherye eviidiyu eni: Ninrowa Okupali Sai Wira Biibiliya Teekeekhai? nto munvaheke ebroxura Ihapari Sooreera, muttittimiheryeke yoosoma 3.
