Atthu otheene aniphavela okhala atthu a moomweneni wa Muluku ahaana wiixutta itthu sotheene siniwerya aya voohimya sa Omwene owo ni ele enirowa awe opaka. Nthowa xeeni? Ohiya olipiha omwaamini waya Yehova wira onnaakhaliherya atthu awe paahi eyo ennaakhaliherya waalaleerya atthu akina voohimya sa Omwene wa Muluku. (Esa 45:2; 49:4) Okathi oniweha anyu eviidiyu eni Cem Anos do Governo do Reino, mmananihe waakhula makoho ala anittharelana:

1. Moota xeeni Fotodrama da Criação aaphwanyinhe awe mureerelo atthu yanweha?

2. Raadio aarumeeliwa sai wira silaleiwe ihapari sooreera?

3. Itthu xeeni sikina saarumeeliwa wira silaleiwe ihapari sooreera ni saakumihenrye mureerelo xeeni?

4. Inamuna xeeni sirumeeliwe wira yiixuttihiwe atthu moota woolaleerya okhuma khalai?

5. Itthu xeeni yaaxuttihiwe aya ale yaarowa Exikola ya oGileadi?

6. Moota xeeni aKongresu akhalihenrye aya owiixuttiha atthu a Yehova?

7. Exeeni enookupalihani wira Omwene wa Muluku onnilamulela tthiri?

8. Ninrowa okhaliherya sai Omwene wa Muluku?