MUKHALELEKE NTHITI MUTEKO WOOLALEERYA | NINCERERYE OHAKALALA WAHU OKATHI WOOLALEERYA
Niwiixuttiheke Ale Nnaasomiha Ahu Biibiliya Okhalana Yoolema ya Osoma Nuulumo na Muluku
Tthiri nyuwo muniphavela wira naxiloka anyu olipiheke waamini wawe ni wuncerereyeke omusuwela wawe Yehova. Wira eyo yiiraneye, ohaana okhalana yoolema ya osoma mmansawe ohiya paahi okathi oniixuttihiwa awe. (Mat 5:3; aHe 5:12–6:2) Owo ohaana wiixutta osoma nuulumo na Muluku mekhawe.
Okhuma nihiku munipacerya anyu omusomiha, mmwiixuttiheke moota woolokiherya yoosoma awe, nave mmutumereryeke opaka eyo. (mwb18.03 epaax. 6) Ohiya-vo, mmutumereryeke naxikola anyu wira ovekeleke khula okathi ohinatthi opacerya yoosoma awe. Nave nyuwo pooti omooniherya moota woophwanya itthu sikumiheriwe niinaano esaiti ahu jw.org ni JW Broadcasting®. Vakhaani-vakhaani mmwiixuttiheke naxikola anyu omusoma Biibiliya khula nihiku, olokiherya mithukumano, ni otokosa myaha ohiniiwexexa awe saana. Nave mmukhaliheryeke wuupuwelela ele eniixutta awe.
NWEHE EVIIDIYU ENI: MWAAKHALIHERYEKE ALE MUNAASOMIHA ANYU BIIBILIYA WIILYIHA MWA OMUNEPANI. NUUMALA-VO MWAAKHULEKE MAKOHO ALA ANITTHARELANA:
-
Moota xeeni Rita aamukhalihenrye awe Rosa woona wira omusoma Biibiliya khahiyo ophwanya waakhuliwa wa makoho paahi?
-
Exeeni yaamukhalihenrye Rosa okupali wira moonelo wa Yehova voohimya sa orupihana woohiloka ti wookhalela?
-
Nwiixuttiheke anaxikola anyu ohela mmuupuweleloni mwaya ni vamurimani vaya itthu aniixutta aya
Etthu xeeni Rosa iiwexenxe awe voohimya sa wuupuwelela?
