Okhuma khalai, arumeyi a Yehova anniwerya ovara miteko soovila, ohiya ni ikuru saya masi akhaliheriwaka ni Yehova. Mwaakha wa 1954, mutthenkeso wa Yehova waahikumiherya eviidiyu yaarina muru oni: Yoowiiraneya ya Eviidiyu “Mutthenkeso wa Yehova Onnivara Miteko Sootikiniha”, ya enkelexi. Epantte yinceene ya eviidiyu eyo yaapakiwe ni mabethelita yahaasuwela itthu sinceene voohimya sa iviidiyu. Anna awo yaahiwerya ovara muteko owo woovila akhaliheriwaka ni munepa woowaarya. Eyo enniniiriha okupali wira, namuroromela Yehova nnoowerya okhumela saana vaavo ninthanleliwa ahu ovara muteko woovila.—Za 4:6.

NWEHE EVIIDIYU ENI: YOOWIIRANEYA YA EVIIDIYU “MUTTHENKESO WA YEHOVA ONNIVARA MITEKO SOOTIKINIHA”, NUUMALA-VO MWAAKHULEKE MAKOHO ALA ANITTHARELANA:

• Xeeni mutthenkeso waalakenle awe okumiherya eviidiyu yaalavula sa eseedi ya Anamoona a Yehova ya olumwenku wotheene?

• Mwa enamuna xeeni eBetheli enlikanyihiwa aya ni erutthu?—1 aKo 12:14-20

• Mixankiho xeeni saaphwannye anna okathi yaakumiherya aya eviidiyu, nave yaawenrye sai oxintta mixankiho iyo?

• Nuupuwelaka yowiiraneya ela, exeeni nniixutta ahu ni owerya wa munepa woowaarya?