Ikwaha sikina hiyo pooti woonaka wira atthu akina annaakuva oliyala ni khanivaha efaita itthu sooloka ninwiirela ahu. Masi Yehova onoonela sai miteko nninvarela ahu? Yehova onnivaha efaita vanceene miteko nninvarela ahu ni khonikhala-khala oliyalaka wiimananiha wahu ni murima wootheene wira nimurumeele. Hata okumi ahu onikhoottiheryaka opaka itthu naawerya ahu opaka khalai, Yehova khonninyanyala. — aHe 6:10.

NWEHE EVIIDIYU ENI: YEHOVA KHONNILIYALA, NUUMALA-VO MWAAKHULEKE MAKOHO ALA ANITTHARELANA:

• Xeeni ninhimya ahu wira munna David aahimananiha vanceene wira omalelihe soothanleliwa aavahiwe awe mmutthenkesoni mwa Yehova?

• Yehova oonihenrye sai wira khaamuliyanle munna David, okathi aakhweliwe awe ni mwaarawe ni okathi aaviriha awe mixankiho mwaha wa wuuluvala?

• Xeeni ninhimya ahu wira munna David aahireelihiwa vanceene okathi aavara awe muteko wa Muluku wa okathi wootheene? — Mir 10:22