MAKHALELO A MAKRISTAU
“Khula Mutthu Ohaana Osuka Musurukhu Oniwerya Awe”
Murummwa Paulo ahaatumererya makristau ‘osuka musurukhu aniwerya aya’ wiira avaheke voohikhanyereriwa. (1 aKo 16:2) Otthara miruku iya sa mbiibiliyani onooniiriha okhaliherya okokhorela weekeekhai, ni ophwanya ohakalala. Hata noonaka wiira musurukhu ahu ti wootepa oyeva, Yehova onnivaha efaita wiimananiha wahu, ovaha ni murima ahu wootheene wiira ninvuwihe ni itthu nirina ahu. — Mir 3:9.
NWEHE EVIIDIYU ENI: NINNIXUKHURELA MWAHA WOOSUKA MUSURUKHU ANYU. NUUMALA-VO MWAAKULE MAKOHO ANITTHARELANA:
-
Mareeliho xeeni nimphwanya ahu mwaha woosuka musurukhu ahu wiira nivahe?
-
Atthu akina anithanla sai ‘osuka musurukhu aniwerya aya’?
