Mikhalelo xeeni sinoosivelani okathi muniphavela anyu okhalana mpatthani? Woonasa wene onoosivelani mutthu oororomeleya, ooreera murima ni oovaha. Yehova ookhalana mikhalelo iyo sotheene. (Okh 34:6; Mit 14:17) Okathi muninvekela anyu onnoowiriyanani. Nave onimookhaliheryani khula okathi muniphavela anyu. (Esa 18:20, 36) Ni onimoolevelelani soottheka sanyu. (1 Yo 1:9) Tthiri Yehova mpatthani ooloka munireerela anyu okhalana!

Munrowa okhala sai mpatthani a Yehova? Mmusomeke Biibiliya wira mmusuwele ni mmuroromeleke. (Esa 62:9; 142:3) Mooniheryeke wira munnivaha efaita itthu onivaha awe efaita. Mwa ntakiheryo, Mwanawe, Omwene awe, ni sooleiherya sawe sa muhoolo. Nave, mwaaleeleke atthu akina voohimya sa Yena. (Otu 32:3) Akhala wira munimwiimananiha okhalana waataana woolipa ni Yehova, Owo onookhala Mpatthani anyu mahiku otheene.—Esa 73:25, 26, 28.

NWEHE EVIIDIYU ENI: AMIRAVO—‘MWEERERYE NI MOONE WIRA YEHOVA TOOLOKA’ , NUUMALA-VO MWAAKHULEKE MAKOHO ALA ANITTHARELANA:

• Munrowa wiilokiherya sai wira mwiivahererye ni mpatisiwe?

• Moota xeeni anna akina anrowa aya wookhaliheryani omurumeela Yehova?

• Moota xeeni muteko woolaleerya onrowa aya wookhaliheryani olipiha waataana wanyu ni Yehova?

• Iparakha xeeni munilipelela anyu ophwanya mmutthenkesoni mwa Yehova?

• Etthu xeeni enoosivelani voohimya sa Yehova?