Wira onikhaliherye, Yehova onnaarumeela anna ni arokora “a olumwenku wotheene”. (1 Pe 5:9) Awo anninikhaliherya oxintta mixankiho okathi woolaleerya mookhumela saana. Mwa ntakiheryo, murummwa Paulo aahittottela mureerelo nikhaliheryo na Aakila, Prisila, Sila, Timootheyo, ni atthu akina.—Mit 18:1-5.

Anna anrowa wookhaliheryani sai okathi woolaleerya? Awo pooti wookhaliheryani yoovahakani malakiheryo oovareleya muteko sa moota woovilela mixankiho okathi woolaleerya, moota woopaka irevisita, wala moota woopaceriha ni wiiriha soosoma sa Biibiliya. Mmuupuweleke munna aahiiso murokora a muloko anyu okhanle oowookhaliheryani, nuumala munvekeleke nikhaliheryo. Moohaanyiherya oowanli anyu munoottottela mureerelo, ni munrowa ohakalalaka.—aFi 1:25.

NWEHE EVIIDIYU ENI: MPHWANYE OHAKALALA NI MUTEKO WOWAAPAKA AWIIXUTTI—MWEEMERERYE NIKHALIHERYO NA YEHOVA—AXINNIHU , NUUMALA-VO MWAAKHULEKE MAKOHO ALA ANITTHARELANA:

• Moota xeeni Rita aamutumerenrye awe Rosa orowela mithukumano?

• Xeeni ninreerela ahu waalattula anamalaleerya akina wira yiireleke mpantta okathi nniiriha ahu yoosoma ya Biibiliya?

• Itthu xeeni Rosa ni Abigail saasivela?

• Itthu xeeni sikina voohimya sa muteko woolaleerya anna akhanle aya oowookhaliheryani?