Mulipa ootthimaka ohaana ovikaniha opaka iseersiisiyu wira okhumeleke saana. Moolikanasa nihaana wiimananiha vanceene waalimaleliha ankhili ahu wira avareke muteko. (aHe 5:14) Nnaamwi ikwaha sikina nitakihaka soothanla sa atthu akina, nihaana wiixutta moota wowuupuwela ni opaka soothanla sahu mmansihu. Nthowa xeeni? Okhala wira khula mmosa a hiyo onimwaakhula mwaha wa soothanla sawe.—aRo 14:12.

Nihiroromeleke wira nnoopaka soothanla sooloka mwaha woowi nooviriha iyaakha sinceene nipatisiwe ene. Wira nipake soothanla mwa miruku, nihaana omuroromela vanceene Yehova, Nuulumo nawe ni mutthenkeso awe.—Yox 1:7, 8; Mir 3:5, 6; Mat 24:45.

NWEHE EVIIDIYU ENI: “MUKHALANEKE MURIMA WOOLOKA”, NUUMALA-VO MWAAKHULEKE MAKOHO ALA ANITTHARELANA:

• Muxankiho xeeni murokora Emma aakumanne awe?

• Xeeni vanireerela ahu osyaka ovaha moonelo ahu okathi nimphavela ahu waakhaliherya atthu akina?

• Miruku xeeni sooloka anamathelana amosa yanvanhe aya Emma?

• Murokora Emma aaphwannye woowi malakiheryo yaamukhalihenrye ophuka muxankiho awe?