Okhuma mweeri wa Novembro, ninrowa okhalana muteko wa vameekhaaya woolaleerya, wira elapo esya eri vakhiviru. (Esa 37:10, 11; Wiis 21:3-5) Mulokiherye makhalelo anyu wira mwiirele mpantta ekampaanya eyo ya vameekhaaya. Vakhala wira munoovekela okhala pioneero ookhaliherya mweeri owo, nyuwo pooti ovaha iwoora 30 wala 50.

Mulokiheryeke yoolepa enilavula sa elapo esya wira nwerye waalaleerya atthu anceene. Okathi munithanla anyu yoolepa, nwuupuweleke atthu a muttetthe anyu. Vakhala wira mutthu owo ohooniherya osiveliwa ekwaha yoopacerya, munvaheke erevista Owehaweha N.º 2 2021. Nuumala-vo, nvikaniheke omuxukurya ni mpacerihe yoosoma ya Biibiliya murumeelaka ebroxura Okumi Woohimala! Tthiri etthu yoohakalaliha wiirela mpantta ‘olaleya wopoliwa wahu’!—Yes 52:7.

NWEHE EVIIDIYU YA ISIPO ENI: ELAPO ESYA ENIRWA, NUUMALA-VO MWAAKHULEKE MAKOHO ALA ANITTHARELANA:

• Itthu xeeni sooreera sa muhoolo mwanamwane ole onuupuwelela awe?

• Itthu xeeni sooreera muniphavela anyu waakhela elapo esya?

• Moota xeeni wuupuwelela mareeliho a muhoolo anrowa aya wookhaliheryani wiilokiherya wira mwiirele mpantta ekampaanya ya vameekhaaya ya Novembro?—Luk 6:45