Mahiku ala ookiserya, ninnikumana mixankiho sinceene. Nto mixankiho iyo sinrowa otepaka, okathi nnaattamela ahu wanikisa wa olumwenku ola wootakhala. Woonasa wene, pooti ohikhalana itthu sikina nimphavela ahu. (aHe 3:16-18) Etthu xeeni enrowa onikhaliherya ovilela othoiwa musurukhu? Nihaana ohihiya omuroromela Yehova Muluku ahu. Owo ooleiherya waakhapelela arumeyi awe, nto onoopaka eyo khula okathi. — Esa 37:18, 19; aHe 13:5, 6.

Itthu mukhanle anyu oopaka:

• Munvekeleke Yehova malakiheryo, ankhili ni wira ookhaliheryeni. — Esa 62:9

• Mwiimananiheke ovara miteko mwahaatonko anyu ovara. — g-T 1/10 ipaax. 8-9, ikaaxa

• Muhihiye ovara miteko sa Muluku ntoko omusoma Biibiliya khula nihiku, orowela mithukumano ni olaleerya.

MOONIHERYE EVIIDIYU ENI: MUTEKEKE EMPA YOOLIPA — “MUTTEELIWEKE MURIMA NI ITTHU SIRINA ANYU”, NUUMALA-VO MWAAKHULE MAKOHO ANITTHARELANA:

• Mixankiho xeeni imusi sikina saarina aya?

• Etthu xeeni eri ya faita yinceene mookumini mwahu?

• Ninrowa waakhaliherya sai atthu oothoiwa musurukhu?