Oramusiwa pooti onikumiherya mixankiho mweekumini mwahu ni mmuupuweleloni. Nave pooti otteettheiha waamini wahu akhala wiira atthu akina anniramusa okokhorela wahu. Munrowa wiikhapelela sai okathi muniramusiwa anyu?

Mwaha woomuroromela Yehova, arumeyi anceene oororomeleya yaahivilela okathi yaalupatthiwa aya. (Esa 18:17) Mwa ntakiheryo, Esteeri aahihimya itthu sootheene sootakhala aaphavela awe opaka mulopwana ole ootakhala murima iitthaniwa Hamani. (Est 7:1-6) Masi ohinatthi opaka eyo, owo aahitthukwa ooniheryaka wiira aanimuroromela Yehova. (Est 4:14-16) Mwaha waivaavo Yehova aahimureeliha, omukhapelelaka yena ni atthu awe.

Siisaale ntoko Esteeri, akhala mutthu oniwoopopihani, munvekeleke Yehova wiira ookhaliheryeni ni mmuleeleke mutthu muulupale. Mwa ntakiheryo paapa anyu wala maama anyu. Mukupaliki wiira Yehova onimookhaliheryani ntoko aamukhaliherya awe Esteeri. Etthu xeeni-tho ekina mukhale anyu oopaka okathi muniramusiwa anyu?

NWEHE EVIIDIYU ENI: MAHIKU A OMIRAVO AKA — KINROWA OPAKA-NI OKATHI KINHAAXIWA AKA OXIKOLA? NUUMALA-VO MWAAKHULE MAKOHO ALA ANITTHARELANA:

• Ntakiheryo na Charlies ni Ferins ninwiixuttiha exeeni amiravo?

  Mwaakhule va

• Anamuyari aniixutta exeeni ni moolumo a Charlies ni Ferins, sa waakhaliherya anaaya aniramusiwa?

  Mwaakhule va