7-13 Outubro
ESALIMO 92-95
Nsipo 84 ni Nivekelo | Masu Oopacerya (1 min.)
1. Omurumeela Yehova, ti Etthu Yootepexa Oloka Mookumini Mwahu!
(10 min.)
Nihaana omukokhorelaka Yehova. (Esa 92:1, 4; Owehaweha 18.04 epaax. 28 etti. 5)
Yehova onnaakhaliherya arumeyi awe opaka soothanla ni okhala oohakalala. (Esa 92:5; Owehaweha 18.11 epaax. 23 etti. 8)
Yehova onnaavaha efaita ale animurumeela hata yuuluvanle ene. (Esa 92:12-15; Owehaweha 20.01 epaax. 19 etti. 18)
MWIIKOHEKE SO: ‘Exeeni enikikhoottiherya wiivahererya wa Yehova ni opatisiwa?’
2. Itthu sa Efaita sa Mbiibiliyani
(10 min.)
-
Esa 92:5 — Moota xeeni moolumo ala aniwooniherya aya oratta ene ankhili a Yehova? (Achegue-se epaax. 176 etti. 18)
-
Itthu xeeni sa efaita siphwannye anyu okathi mwaamusoma anyu Biibiliya esumana ela?
3. Omuleeri Biibiliya
(4 min.) Esa 94:1-23. (Wiixuttiha yoosoma 5)
4. Ovaanela Woopacerya
(4 min.) OLALEERYA MOOHIILOKIHERYA. Mphavelase inamuna sa omuleela mutthu owo voohimya sa muteko munivara anyu wa owiixuttiha atthu Biibiliya. (Waaphenta Atthu yoosoma 5 eponto 3)
5. Ohihiya Waakhaliherya
(3 min.) OLALEERYA MOOHIILOKIHERYA. Munvahe yoosoma ya Biibiliya mutthu yoowo oonihenrye osiveliwa, masi ahaaphavela khalai. (Waaphenta Atthu yoosoma 8 eponto 4)
6. Waapaka Awiixutti
(5 min.) Nvaanele ni naxikola anyu a Biibiliya, yoowo ohinipaka marukunuxo. (Waaphenta Atthu yoosoma 12 eponto 5)
Nsipo 5
7. Okathi Amiravo Anixankiheya Aya
(15 min.) Mwaha ni makoho vakhaani.
Atthu ootheene animurumeela Yehova, annixankiheya. Mwa ntakiheryo, Davidi ohooniherya wiira aanixankiheya mookumini mwawe. Nave arumeyi anceene a Yehova olelo-va, annixankiheya. (Esa 13:2; 139:23) Mooriipiha murima, hata amiravo sinnaaphwanya mixankiho. Ikwaha sikina, oxankiheya iwo pooti oowiiriha amiravo onyoonyeriwaka ovara miteko saya sa khula nihiku ntoko orowa oskola ni orowela mithukumano sa mmulokoni. Nave mixankiho iyo sinaaphwanya, pooti owiiriha woova ni okhalana muupuwelo woohiloka ntoko ophavela wiixiiva.
Amiravo, akhala wiira ikwaha sikina munnixankiheya, mulavuleke ni anamuyari anyu aahiiso mutthu mukina orina waamini woolipa. Nave munvekeleke Yehova wiira ookhaliheryeni. (aEef 4:6) Owo onimookhaliheryani. (Esa 94:17-19; Yes 41:10) Nrowe nithokorerye ntakiheryo na munna Steing.
Nwehe EVIIDIYU Yehova Onnikikhapelela. Nuumala-vo, mwaakohe alipa-oowiriyana makoho anittharelana:
• Yoolepa xeeni yaamukhalihenrye Steing ni mwaha wa xeeni?
• Yehova aamukhapelenle sai?
Anamuyari, nyuwo pooti owerya waakhaliherya aniinyu okathi anixanka aya, mwaawiriyanaka moopixa murima, nwooniheryaka niphento ni mwaakhaliheryaka olipiha omphenta waya Yehova. (Tit 2:4; Yak 1:19) Mmuroromeleke Yehova wiira onimookhaliheryani ni woovahani ikuru munipirisari anyu wiira mwaakhaliherye aniinyu.
Ekeekhai wiira hiyo pooti ohisuwela mixankiho sinaaphwanya atthu akina mmulokoni, aahiiso moonelo aya. Hata vaari siiso, hiyo pooti waakhaliherya atthu ootheene a mmulokoni woona wiira anniphentiwa. — Mit 12:25; aHe 10:24.
8. Yoosoma ya Biibiliya ya Muloko
(30 min.) Mwiixutte Myaha sa Biibiliya yoosoma 51
