NSIPO 107
Yehova ti Ntakiheryo Nuulupale na Ophenta
-
1. Tiithi oophenta, Muluku Yehova,
Mahiku otheene.
Owo oopaka ephiro yooreera,
Voonivaha Yesu Pwiya.
Owo Moopoli a soottheka sahu.
Wira nikhale akumi muhoolo,
Nixukhurele mukuttho wa Kristu.
Muluku⁀ahu, owo toophenta.
-
2. Khula nihiku neette ni Yehova,
Annihu naaphente.
Niphaveleke okhaliheryana,
Alopwana n’athiyana.
Olevelela soovonya s’akina,
Eyo ephiro ya ophenta vanci.
Nimutakihe Yehova Muluku;
Nooniherye hiyo ophenta.
-
3. Niphaveleke orowa ohoolo
Neettaka vooloka.
Nitakiheke ophenta wa Tiithi;
Ninvuwihe mulaponi.
Khula nihiku nivikaniheke
Omwiiwelela Yehova Muluku.
Anna otheene naakhaliheryeke
Muluku⁀ahu, owo toophenta.
(Munwehe-tho aRom. 12:10; aÉf. 4:3; 2 Ped. 1:7.)