GEESHSHA MAXAAFAA XIQISETU QONCCISSUWA
Leemiso 17:17—“Laggee Mule Wodekka Siiqees”
“Tumu laggee mule wodekka siiqees; qassi meto wodiyawu yelettiya isha.”—Leemiso 17:17, Ooratta Alamiya Birshshettaa.
“Laggee mule wodekka siiqees; ishaikka metuwaa wode maaddanaassi yelettees.”—Leemiso 17:17, Wolayttatto Geeshsha Maxaafaa.
Leemiso 17:17 Birshshettaa
Tumu laggeti ammanettiyageeta. Keehi siiqettiya ishanttudan, tumu laggeti meto wodiyan issoy issuwawu ammanettoosonanne qoppoosona.
“Tumu laggee mule wodekka siiqees.” Ha qofay “laggeti mule wodekka issoy issuwa siiqoosona” geetettidikka birshshettana danddayees. Ha sohuwan “siiquwa” geetettida Ibraawetto qaalay, issi ura xeelliyagan nuussi siyettiyabaa xalaalaa yootiyaba gidenna. Hegee issi uri ba goꞌꞌaa aggi bayidi hara urawu oottiyoban bessiyo siiqo. (1 Qoronttoosa 13:4-7) Hegaadan mintti siiqettiya laggeti eta siiqoy paacettiyo wodekka, geella issoy issuwara ooyettiyo wode woy deꞌuwan unꞌꞌettanaadan oottiya metoy eta gakkiyo wode ammanettidi deꞌoosona. Issoy issuwawu coo atto goosona. (Leemiso 10:12) Loꞌꞌo laggee ba laggiyawu ushachchiyo wode qanaatenna. Yaaniyogaappe, I ba laggiyara ufayttees.—Roome 12:15.
“Tumu laggee . . . meto wodiyawu yelettiya isha.” Ha leemisoy ishantti issoy issuwa keehi siiqana danddayiyogaa yootees. Yaaniyo gishshawu, metoy gakkiyo laggiya maaddanawu nuussi danddayettida ubbabaa oottikko, tumu ishay woy michchiya oottiyobaa oottoos giyogaa. Hegaa bollikka, hegaadan siiqettiya laggetu siiqoy paaciya gaasuwan irxxenna. Yaaniyogaappe, eti kaseegaappe aaruwan issoy issuwa siiqoosonanne bonchchoosona.
Leemiso 17:17 Yuushuwan Deꞌiya Qofaa
Leemiso maxaafan, nabbabiya asi takki giidi qoppanaadan oottiya, aadhdhida eratettay deꞌiyo daro qantta qofati deꞌoosona. Ha maxaafaappe dariya baggaa Kawuwa Solomoni xaafiis. I hegaa Ibraawettuwan danttuwa xaafiyo hiillan xaafiis; qassi issi mala woy issoy haraappe dummatiya geeddarssota goꞌettiis. Dantto meran xaafettiya issi mala geeddarssuwa Leemiso 17:17n akeekana danddayoos; qassi ha xiqisiyawu naaꞌꞌantto qofay koyroogaa minttees. Shin Leemiso 18:24n issoy haraappe dummatiya geeddarssoy deꞌees. “Daro laggee de7iyo asi xayana; shin ishappe aadhdhidi ammanttiya laggee de7ees.”
Solomoni Leemiso 17:17 xaafiyo wode, ba aawaa Daawita giddooninne Kawuwa Saaꞌoola naꞌaa Yonaataana giddon deꞌiya keehi mino laggetettaa qoppennan waayi aggana. (1 Sameela 13:16; 18:1; 19:1-3; 20:30-34, 41, 42; 23:16-18) Daawitinne Yonaataani tumu ishantta gidana xayikkonne, ishanttuppe aaruwan mintti siiqettidosona. Yonaataani ba yelaga laggiya ashshanawu ba shemppuwa daafan yeggiis. a
Leemiso maxaafaa erissiya ha qantta biiduwa beꞌa.
a “Mata Dabbotettaa Medhdhidosona” giya huuphe yohuwa xeella.
Hageeta Beꞌadii?
GEESHSHA MAXAAFAABAA OYCHCHIYOOBATU ZAARUWAA
Geeshsha Maxaafay Laggetettaabaa Woygii?
Loꞌꞌo laggeti issoy issuwa loytti maaddananne loꞌꞌo asa gidanaadan oottana danddayoosona. Laggeta akeekan doora!
BOOTTA SALEEDA BIIDUWAA
Tumu Lagge Giyoogee Ay Mala Laggee?
Worddo laggeta demmiyoogee metennaba, shin tumu laggeta waata demmana danddayay?
ETAAGAADAN AMMANITE
Daawitanne Yonaataana—‘Mata Dabbotettaa Medhdhidosona’
Diccido hanotaaninne layttan keehi dummatiya naaꞌꞌu asati waanidi mata lagge gididonaa? Eta leemisoy ha wodiyan laggetettaa medhdhanawu nena waati maaddana danddayii?
GEESHSHA MAXAAFAA TIMIRTTETA
Geeshsha Maxaafaa Xannaꞌanawu Maaddiya Miishshata
Geeshsha Maxaafaa ufayssiyaanne denttettiya ogiyan neeni xannaꞌanaadan maaddiya xannaꞌanawu maaddiya miishshata doora.
GEESHSHA MAXAAFAA TIMIRTTETA
Geeshsha Maxaafaa xannaꞌiyo prograamiyaa
Issi uraara Geeshsha Maxaafaa xannaꞌa.
