HEGEE KEEHI KOSHSHIYOY AYBISSEE? Eti giigettiyaaba gidikko, nuuni tamaarissiyoobaa sohuwaara akeekananne hassayana danddayoosona. Eti loytti akeekikkonne hassayikko, ayyaanaaban elle diccana. Eti xammaqetti simmidikka, gubaaˈe shiiquwawunne haggaazuwawu giigettiyoogee eti ‘naagi uttanawu’ woy beegottidi naganawu maaddees. (Maa 25:13) Hegaa gishshawu, waati xannaˈanaakko eriyoogeenne ubbatoo xannaˈiyo meezee deˈiyoogeeta gidiyoogee deˈo laytta ubban eta maaddana. Koyruwaappe doommidi, nu Geeshsha Maxaafaa xannaˈissiyoogeeti xannaˈanawu giigettanaadan loohissana koshshees.

WAATANA DANDDAYIYOO?

• Loˈˈo leemiso gidite. (Roo 2:21) Xannaˈissanawu giigettiyo wode ubban xannaˈissiyo uraabaa qoppiiddi giigettite. (km 11/15 3) Intte giigettiiddi xuufiyan wottido malaataa I beˈanaadan oottite

• I giigettana mala minttettite. Xinaatiyaa aggennan xannaˈiyoogee erettikko, xannaˈiya uri giigettiyoogee Geeshsha Maxaafaa xannaˈiyo oge gidiyoogaanne hegee goˈˈiyoogaa awu yootite. Giigettiyo wodiyaa I waati bazzana danddayiyaakko maaddiyaabaa zorite. Xannaˈissiya issoti issoti bantta xuufiyan wottido malaataa xannaˈissiyo wode tamaareti beˈidi hegaa goˈˈaa akeekanaadan oottoosona. Xinaateti giigetti yiyo wode eta galatite

• Waati giigettanaakko A bessa. Xannaˈissiya issoti issoti xinaatiyaa doomissiyo koyro heeran, bantta xinaateti waati giigettanaakko bessanawu, issi xinaate prograamiyaa goˈettoosona