Yesuusi ba deꞌuwaa nagaranchcha asaa gishshawu immiis. (Roo 5:8) Yesuusi nuna siiqiyoogaa bessanawu ba deꞌuwaa nu gishshawu immidoogaa nuuni nashshiyoogee erettidaagaa. SHin issi issitoo, Yesuusi nu ishawukka hayqqidoogaa hassayana koshshees. Nuugaadan nagaranchcha gidida nu ishanttanne michchontta Kiristtoosaagaadan siiqiyoogaa waati bessana danddayiyoo? Heezzu ogeta qoppite. Koyruwan, nuugaappe dummatiya hanotan diccidaageetuurakka laggetiyoogaana. (Roo 15:7; 2Qor 6:12, 13) Naaꞌꞌanttuwan, harata qohiyaabaa haasayennaadan woy oottennaadan naagettana danddayoos. (Roo 14:13-15) Wurssettan, issi uri nuna naaqqikko, sohuwaara awu atto gaana danddayoos. (Luq 17:3, 4; 23:34) Nuuni ha ogetun Yesuusa milatanawu baaxetikko, Yihooway saruwaanne issippetettaa immiyoogan gubaaꞌiyaa ubbatoo anjjana.

KASEPPE LOꞌꞌIYAAGAA GIDA! GIYO BIIDUWAA BEꞌITE; YAATIDI KAALLIDI DEꞌIYA OYSHATA ZAARITE:

• A deꞌiyo gubaaꞌiyaa xeelliyaagan Miikiyyo koyro aybi siyettidee?

• I qofay laamettanaadan oottidabay aybee?

• Miika ba qofaa laammanaadan Yesuusa leemisoy O waati maaddidee? (Mar 14:38)

• Leemiso 19:11 nuuni nu ishanttanne michchontta loꞌꞌo ayfiyan xeellanaadan waati maaddii?