HEGEE KEEHI KOSHSHIYOY AYBISSEE?: Silkkiyan markkattiyoogee “wonggeliyaa mishiraachchuwaa markkattiyoogaa polanau” keehi koshshiya oge. (Oos 20:24) a Nuuni issi ura demmidi A haasayissanawu hanotay injjetenna wode hegee markkattanawu maaddees. Hegee sahuwaa woy carkkuwaa hanotaa gaasuwan nuuni sooppe soo sabbakana danddayenna wodekka mishiraachchuwaa yootanawu maaddees.

WAATANA DANDDAYIYOO?

• Giigetta. Darota ufayssiya qofaa doora. Yaatada neeni woygada haasayissanaakko meezeta. Neeni dawaliyo wode denttana xayikko, ne dawalido halchchuwaa qonccissiya qantta kiitaa kiittanawukka giigettana danddayaasa. Ne haasayissanawu xaafa oyqqidobaanne koshshiya hara miishshata, hegeetikka elektiroonike meran giigida JW Library^® woy jw.org^® dooyada xarapheezan wottiyoogee maaddees

• Unꞌꞌettennan haasaya. Ufayssiya ogiyan haasaya. Keettaawaa xeellaydda haasayiyoogaadan pashkki gaada haasaya. Haasayaydda bessennasan eqqoppa. Hegawu haratuura oottiyoogee maaddees. Keettaaway oyshaa oychchikko, nenaara deꞌiya uri zaaruwaa koyidi maaddanaadan cenggurssaa xoqqu oottada he oyshaa zaaretta

• Zaaretta oychchanawu maaddiyaabaa ootta. Keettaaway eranawu koyikko, hara galla dawaliyo wode zaarana oyshaa oychcha. Xuufiyaa kiittanawu imeeliyaa oychchanakka danddayaasa. Qassi nu biidotuppe woy nu xuufetuppe issuwaa kiittanawu koyiyoogaa yootana danddayaasa