Ayyaanaaban shuggida daro Kiristtaaneti Masqqaynno Hosppune 11n Godaa Kahuwaa bonchanawu shiiqana. Eti issi wode deꞌuwawu woxxiyoogaa doommidi, dumma dumma gaasuwan haꞌꞌi leddi giidosona; hegaadan oottiya gaasotuppe amaridaageeti Yihoowakko Simma giyo brooshuriyan odettidosona. (Ibr 12:1) Gidikkokka, Yihooway ba Naꞌaa suuttan wozido, ayyaanaaban shuggidaageeta haꞌꞌikka alꞌꞌobadan xeellees. (Oos 20:28; 1PHe 1:18, 19) Eti gubaaꞌiyawu simmanaadan waati maaddana danddayiyoo?

Dorssaa henttanchay wudiyaappe bayida dorssaa minnidi koyiyoogaadan, gubaaꞌiyaa cimati ayyaanaaban shuggida Kiristtaaneta demmidi maaddanawu koyoosona. (Luq 15:4-7) Hegee Yihooway siiqiya Xoossa gidiyoogaa bessees. (Erm 23:3, 4) Cimatu xalla gidennan nuuni ubbaykka eta minttettana danddayoos. Nuuni etawu kehiyoogeenne qarettiyoogee Yihoowa ufayssees; qassi hegee loꞌꞌo ayfiyaa demissana danddayees. (Lee 19:17; Oos 20:35) Hegaa gishshawu, intte oona minttettana danddayiyaakko qoppidi, sohuwaara maaddite!

AYYAANAABAN SHUGGIDAAGEETA MINTTETTITE GIYO BIIDUWAA BEꞌITE; YAATIDI KAALLIDI DEꞌIYA OYSHATA ZAARITE:

• Abbeya banaara kase erettenna Yihoowa Markkeera gayttada waatadee?

• Ayyaanaaban shuggida uraa maaddanawu qoppiyo wode cimatuyyo yootana koshshiyoy aybissee?

• Abbeya zaarettada Lawurikko baanawu waana giigettadee?

• Abbeya Lawuro siiquwan maaddanawu genccidoogaanne danddayidoogaa waata bessadee?

• Luqaasa 15:8-10n deꞌiya, Yesuusi yootido leemisuwaappe ay tamaarana danddayiyoo?

• Lawuro maaddanawu daafuridoogee wurssettan ayba anjjo demissidee?