Nuuni tokkido tumaa puutiyaa haatta ushshanawu koyoos. (1Qor 3:6) Eranawu koyiya ura demmiyo wode, zaarettidi gayttiyo wode tobbana danddayiyo oyshaa denttiyoogee loꞌꞌo. Hegee i eranawu keehi koyanaadaaninne nuuni zaarettidi oychanawu giigettiyo wode metootennaadan maaddees. Nuuni zaarettidi gayttiyo wode, hegaappe kase gayttiyo wode denttido oyshaa zaaranawu yiidoogaa yootana danddayoos.

• Sooppe soo biidi haasayissanabaa giigettiyo wode, zaarettidi oychiyo wode zaarana oyshaakka giigettite. Hegee intte immiyo xuufiyan zaaroy deꞌiyo oysha gidana danddayees. Woy qassi intte zaaretti oychiyo wode immanawu qoppido xannaꞌiyo xuufiyan zaaroy deꞌiyoogaa gidana danddayees.

• Inttenaara tobbanawu koyiya uraara haasayiyoogaa wurssiyo wode, aara zaarettidi haasayana koyiyoogaa, qassi intte zaaretti oychiyo wode haasayanawu giigettido oyshaa yootite. Danddayettikko, a adrashaa ekkite.

• Zaarettidi oychiyo saatiyaa keerikko, keeruwaa bonchite.—Maa 5:37.