Yihooway Israaꞌeelata giigissidoogaadan, ha wodiyan A asay A sheniyaa polanaadan giigissees. Kumetta saꞌan deꞌiya macara biiroti, woradati, gubaaꞌetinne haggaazo citati ubbay mishiraachchoy sabbakettanaadan hashetidi oottoosona. Nuuni hara qaalaa haasayiyaageeta gujjin, ubba asawu sabbakoos.—Ajj 14:6, 7.

Harati tumaa eranaadan maaddanawu, hara qaalaa tamaaranawu qoppadii? Hara qaalaa tamaaranawu neeyyo wodee xayikkokka, JW Language appiyan asaa haasayissiyo qantta qofaa tamaarana danddayaasa. Yaatada haggaazuwan hegaa goꞌettiyo wode, koyro xeetu layttan deꞌida Kiristtaanetuugaadan ufayttana danddayaasa. Hara biittaappe yiida asay “Xoossai oottido gita oosuwaa” bantta qaalan siyidi maalaalettido wode, eti keehi ufayttidosona.—Oos 2:7-11.

YIHOOWA DABBO GIDA—HARA BIITTAA QAALAA HAASAYIYA ASAWU SABBAKA GIYO BIIDUWAA BEꞌITE; YAATIDI KAALLIDI DEꞌIYA OYSHATA ZAARITE:

• JW Language appee nena maaddanay awudee?

• An deꞌiya issi issibay aybee?

• Intte haggaazo moottan deꞌiya asay ay qaalata haasayii?

• Neeni haasayissido uri Kawotettaa mishiraachchuwaabaa gujji eranawu koyikko, neeni ay oottana koshshii?—od-AM 100-101 ¶39-41