Intteyyo siyettiyaabaa inttena yelidaageetuyyo yootana koshshiyoy aybissee? (Lee 23:26) Intteyyo koshshiyaabaa kunttanaadaaninne inttena kaalettanaadan Yihooway etawu aawatettaa immido gishshataassa. (Maz 127:3, 4) Intteyyo siyettiya ubbabaa etawu yootana xayikko eti inttena maaddanawu metootana danddayoosona. Qassi, hegee eta deꞌuwan gakkidabaappe intte tamaarennaadan oottana danddayees. Intteyyo siyettiya issi issibaa yootennan aggiyoogee balee? Ubbatoo bala gidenna; shin worddobaa yootiyoogan inttena yelidaageeta cimmenna mala naagettite.—Lee 3:32.

Inttena yelidaageetuura waati haasayana danddayeetii? Intteyyoonne etawu injjetiya wodiyaa doorite. Yaatiyoogee metiyaaba gidikko, intteyyo siyettiyaabaa xaafiyoogan yootana danddayeeta. Intte haasayanawu koyibeennabaa eti inttenaara haasayana koyikko shin? Eti inttena maaddanawu keehi koyiyoogaa hassayite. Inttena yelidaageeta morkketudan gidennan inttena maaddiyaageetudan xeellite. Inttena yelidaageetuura qoncciyan intte haasayanawu baaxetiyoogee inttena merinawu maaddana!—Lee 4:10-12.

YELAGATU DEꞌUWAA—TANA YELIDAAGEETUURA WAATA HAASAYANA DANDDAYIYAANAA? GIYA BIIDUWAA BEꞌITE; YAATIDI KAALLIDI DEꞌIYA OYSHATA ZAARITE:

• Esteranne Patriki banttabaa ay akeekidonaa?

• Yesuusi oottidobaappe ay tamaarana danddayeetii?

• Inttena yelidaageeti intteyyo qoppiyoogaa waati bessidonaa?

• Inttena yelidaageetuura intte haasayanaadan maaddiya Geeshsha Maxaafay yootiyo maarati awugeetee?