Giigettana koshshiyoy aybissee? Eesuwan akkamettanaadaaninne hosppitaaliyaa gelanaadan oottiyaabay qoppennan merettana danddayees. Yaatiyo gishshawu, eesuwan akkamettanaadan oottiyaabay merettiyo wode, loꞌꞌo akkamuwaa intte demmana mala hegaa malabay merettanaappe kasetidi giigettanawu danddayiyo ubbabaa oottite. Yaatikko, Yihooway suuttaa xeelliyaagan kessido higgiyaanne deꞌuwaa bonchchiyoogaa besseeta.—Oos 15:28, 29.

Giigettanawu waatana danddayeetii?

• Woossite, yaatidi akkamettiyo wodiyawu kaaletuwaa oyqqida karddiyaa akeekan kunttite. a Xammaqettida aassiyaageeti he karddiyaanne guutta naatussi giigida karddiyaa xuufe kifiliyan oottiya uraappe ekkana danddayoosona

• Neeni shahaara gidikko, SHahaara Maccaasawu Giigida Kaaletuwaa (S-401) ne gubaaꞌiyaa cimata oychcha. SHahaariyo wodenne yeliyo wode akkamuwaara gayttidaagan merettana danddayiyaabaa xeelliyaagan loꞌꞌobaa kuuyanaadan he kaaletoy nena maaddana

• Neeni akkamettana woy hosppitaaliyan takkana koshshikko, ne gubaaꞌe cimata kasetada erissa, qassi issi Yihoowa Markkay nena yiidi oychchanaagaa hosppitaaliyawu yoota

Cimati waati maaddana danddayiyoonaa? Akkamettiyo wodiyawu kaaletuwaa oyqqida karddiyaa kunttanaadan inttena maaddana danddayoosona. SHin, cimati akkamuwaara gayttidaagan intte gishshaa kuuyokkona, woy issi uri bawu kuuyana bessiyaabaa xeelliyaagan bantta qofaa yootokkona. (Roo 14:12; Gal 6:5) Intte akkamuwaara gayttidaagan suuttaa ekkanaadan oottiyaabay merettin gubaaꞌiyaa cimatussi intte yootiyo wode, eti Hosppitaaliyaara Gattiya Konttiyaara sohuwaara intte gishshaa haasayana.

Hosppitaaliyaara Gattiya Konttee waati maaddana danddayii? Aakimetinne higgiyaara gayttidabaa oottiyaageeti suuttaa xeelliyaagan nu haymaanootee kaalliyo maaraa akeekanaadan maaddanawu Hosppitaaliyaara Gattiya Konttiyan oottiya ishantti loohidosona. Suuttaa goꞌettennan akkamettiyo ogeta intte aakimiyaara haasayana danddayoosona. Koshshiyaaba gidikko, intte koyiyoogaadan akkamiya dottoriyaa intte demmanaadan eti maaddana danddayoosona.

SUUTTAA GOꞌETTIYO AKKAMUWAARA GAYTTIDABAN KUUYANAWU WAATUUTII? GIYA BIIDUWAA BEꞌITE; YAATIDI KAALLIDI DEꞌIYA OYSHATA ZAARITE:

• Suuttaa goꞌettanaadan oottiya, eesuwan akkamettana koshshiyaabay merettiyo wodiyawu giigettanaadan inttena maaddana danddayiyaabaa ha biiduwaappe ay tamaaridetii?

  Ne zaaruwaa