Ha wurssetta wodiyan daro metoy nuna gakkees. Genccanawu keehi deexxiyaabay nuna gakkiyaabadan nuussi issi issitoo siyettana danddayees. Gidikkonne, nuuni ubbatoo Yihoowakko shiiqikko, haray atto hidootaa qanxxanaadan oottiya metuwaakka genccanaadan I nuna maaddana. (Isi 43:2, 4) Nuuni metuwaa gencciyo wode Yihoowakko shiiqanawu waatana danddayiyoo?

Woosaa. Nuuni nu wozanan deꞌiyaabaa Yihoowawu yootiyo wode, nu genccanaadan I nuussi woppaanne minotettaa immees.—Pili 4:6, 7; 1Tas 5:17.

SHiiqota. Yihooway shiiqotu baggaara giigissiyo ayyaanaabaa qumaynne ishanttuppe demmiyo maadoy nuuyyo awudeegaappenne aaruwan koshshees. (Ibr 10:24, 25) Nuuni shiiqotussi giigettiyo wode, shiiqota shiiqiyo wodenne qofaa yootiyo wode Yihoowa ayyaanaa maaduwaa loytti goꞌettoos.—Ajj 2:29.

Haggaazuwaa. Minnidi haggaazanawu nuussi danddayettida ubbabaa oottikko, loꞌꞌobaa qoppanawu metootokko. Yihoowaaranne nunaara oottiyaageetuura dabbotido dabbotaakka minttoos.—1Qor 3:5-10.

YIHOOWAY INTTENA MOKKI EKKANA GIYA BIIDUWAA BEꞌITE; YAATIDI KAALLIDI DEꞌIYA OYSHATA ZAARITE:

• Metoy gakkiyo wode Yihoowakko shiiqada deꞌanaadan Maalo maaddidabay aybee?

  Ne zaaruwaa

• Maaliigaadan, metoy nuna gakkiyo wode Mazamure 34:18n deꞌiya qofay waati minttettana danddayii?

  Ne zaaruwaa

• Metoy nuna gakkiyo wode Yihooway nuussi ‘ubbaappe aadhdhiya wolqqaa’ immiyoogaa Maali hanotay waati bessii?—2Qor 4:7

  Ne zaaruwaa