Layttan layttan, Godaa Kahuwaa baalaa issippe bonchchanawu Yihoowa asay yeemuwan naagees. Godaa Kahuwaappe kasetiya saaminttatuuninne hegaappe simmin deꞌiya saaminttatun wozuwaa imotaa gishshawu Yihoowa sabbiyoonne galatiyo loꞌꞌo injjiyaa demmoos. (Efi 1:3, 7) Leemisuwawu, Godaa Kahuwawu harata shoobbanawu baaxetoos. Amaridaageeti Laappune woy Hosppune aginatun 30 woy 50 saatiyaa haggaazanawu halchchidi kaafiya aqinye gidanawu issi issibaa giigissana danddayoosona. Godaa Kahuwaa wode kaseegaappe loytti haggaazana danddayeetii? Yaatanaadan inttena aybi maaddana danddayii?

Nuuni kasetidi halchchikko darotoo loytti oottana danddayoos. (Lee 21:5) Godaa Kahuwaa bonchchiyo wodee matido gishshawu, halchchiyoogaa doommanawu wode haꞌꞌa. Godaa Kahuwaa wode intte loytti haggaazanawu waatanaakko qoppite, qassi intte halchchuwaa polanawu ay oottana koshshiyaakko kuuyite. Yaatidi, intte baaxetiyo baaxiyaa Yihooway anjjanaadan woossite.— 1Yoh 5:14, 15.

Godaa Kahuwaa wode loytti haggaazana danddayiyo amarida ogeta qoppana danddayeetii?