Nuuni oottiyo ubbaban Yihoowa ufayssanawu koyoos. (Lee 27:11) Yaatanawu, nuuni kaallana koshshiya qoncce azazoy baynna wodekka A qofaara mayttiyaabaa kuuyana bessees. Hegaadan oottanawu nuna aybi maaddana danddayii?

Ubbatoo Geeshsha Maxaafaa xannaꞌite. Nuuni Geeshsha Maxaafaa nabbabiyo wode ubban, Yihoowaara wodiyaa aattoos gaana danddayettees. Yihooway ba asaa waati oyqqidaakko akeekiyoogaaninne A xeelan loꞌꞌobaa woy iitabaa oottida asatubaa xannaꞌiyoogan A qofaa erana danddayoos. Nuuni issibaa kuuyana koshshiyo wode, Xoossaa Qaalaappe nuuni kase erido keehi koshshiya timirttetanne maarata hassayanaadan geeshsha ayyaanay nuna maaddana danddayees.—Yoh 14:26.

Pilggite. Intte issibaa kuuyana koshshiyo wode hagaadan inttena oychchite, ‘Ha allaalliyaa xeelliyaagan Yihoowawu siyettiyaabaa akeekanawu tana maaddana danddayiya Geeshsha Maxaafaa xiqisee woy taarikee awugee?’ Maaduwaa demmanawu Yihoowa woossite, qassi intte hanotawu haniya Geeshsha Maxaafay yootiyo maarata demmanawu intte doonan deꞌiya pilgganawu maaddiya miishshata goꞌettite.—Maz 25:4.

NUUNI ‘GENCCIDI WOXXANA’ KOSHSHEES— MAADDIYA QUMAA MIITE GIYA BIIDUWAA BEꞌITE; YAATIDI KAALLIDI DEꞌIYA OYSHATA ZAARITE

• Biiduwan beꞌido yelaga michchiyo gakkida paacee aybee?

  Ne zaaruwaa

• Hegaa mala paaciyaa xoonanawu pilgganawu maaddiya miishshata waati goꞌettana danddayeetii?

  Ne zaaruwaa

• Nuuni loꞌꞌobaa kuuyanaadan maaddana danddayiyaabaa wodiyaa bazzidi pilggiyoogeenne buzo xannaꞌiyoogee nuna waati goꞌꞌii?—Ibr 5:13, 14

  Ne zaaruwaa