Qarettiyoogee haratu qofaa, etawu siyettiyaabaa, eti xoqqu oottidi xeelliyoobaanne etassi koshshiyaabaa akeekiyoogaa. Asay nuuni etawu qarettiyo wode erees. Nuuni harata maaddanawu wozanappe koyiyoogee nuuni etawu qarettanaadan oottana. Nuuni haggaazuwan demmiyo asawu qarettiyo wode, siiqiyoogaaninne asawu qoppiyoogan Yihoowa milatoos; qassi hegee asay A eranawu koyanaadan maaddees.—Pili 2:4.

Nuuni qarettiyoogaa bessiyoy tamaarissiyo wode xalla gidennan, loyttidi siyiyoogaaninne kehiyoogankka qarettiyoogaa bessoos. Nuuni haasayiyooban, nu eeshshan, bollan bessiyoobaaninne pashkki giyoogan qarettiyoogaa bessana danddayoos. Nuuni issi urawu wozanappe qoppiyoogan qarettiyoogaa bessoos. Nuuni A koshshaa, A ammanuwaanne A hanotaa akeekoos. Nuuni goꞌꞌiyaabaa yootidi A maaddana danddayikkonne, I laamettanaadan wolqqanttokko. Nuuni mishiraachchuwaa yootiyo asati nu odiyoobaa siyiyoogee, nuunikka haggaazuwan ufayttanaadan oottees.

ERISSIYO ASHKKARA OOTTIYOOGAN UFAYTTITE—KASEPPE QARA GIDITE—QARETTITE, GIYO BIIDUWAA BEꞌITE; YAATIDI KAALLIDI DEꞌIYA OYSHATA ZAARITE:

• Jeeda pooꞌissada gakkido wode Niita qarettiyoogaa waata bessadee?

• Jeeda daafurido gishshawu xannaꞌennaagaa yootido wode Niita qarettiyoogaa waata bessadee?

• Jeeda issi issibaa maarayada wottana danddayennaagaa yootido wode Niita qarettiyoogaa waata bessadee?