Beni wode Israaꞌeelan Yihooway hiyyeesata maaddiis. Aquwaaban hiyyeesa gidida ba ashkkarata ha wodiyan I maaddiyo amarida ogeti aybee?

• Miishshaa bessiyaagaadan xeellana mala I nuna tamaarissiis.—Luq 12:15; 1Xim 6:6-8

• Eti banttana bonchchanaadan I maaddiis.—Iyy 34:19.

• Eti minnidi oottanaadaaninne iita meezetuppe naagettanaadan tamaarissiis.—Lee 14:23; 20:1; 2Qor 7:1

• Eti siiqiya Kiristtaane ishanttu maabaraa bagga gidanaadan oottiis.—Yoh 13:35; 1Yoh 3:17, 18

• I etawu hidootaa immiis.—Maz 9:18; Isi 65:21-23

Nu hanotay keehi metiyaaba milatikkonne, hidootaa qanxxana bessenna. (Isi 30:15) Nuuni A Kawotettaa ubbatoo kaseyikko, deꞌuwawu nuussi koshshiyaabaa Yihooway kunttana.—Maa 6:31-33.

SIIQOY MULE XAYENNA . . . HIYYEESATETTAY DEꞌISHINKKA—KONGO, GIYO BIIDUWAA BEꞌITE; YAATIDI KAALLIDI DEꞌIYA OYSHATA ZAARITE:

• Killiliyaa shiiquwaa shiiqiyo heeran deꞌiya ishantti he shiiquwaa yiyaageeta siiquwan waati mokkidonaa?

• Yihooway hiyyeesata siiqiyoogaa ha biidoy waati bessii?

• Nuuyyo deꞌiyaabay ay keena gidikkonne, Yihoowa leemisuwaa nuuni waatidi kaallana danddayiyoo?