Haasayissiyo qofaa giigissanawu ishantti minnidi oottoosona; qassi aassiyaageeti hegee bantta heeran loꞌꞌo ayfiya demissidoogaa akeekidosona. SHin, kumetta alamiyan deꞌiya hanotay dumma dumma gidiyo gishshawu, aassiyaageeti bantta heeran deꞌiya asaa ufayssiya hara qofaa haggaazuwan goꞌettana danddayoosona. Gidikkonne, dumma zamachaa wode imettiya kaaletuwaa nuuni ubbaykka kaallana koshshiyoogee qoncce. Nu halchchoy kawotettaa mishiraachchuwaa sabbakanaadan Yesuusi yootidobawu azazettiyoogaa.—Maa 24:14.

Tamaaretu kifilee imettiyo wode, aassiyaageeti Deꞌuwaanne Haggaazuwaa Xannaꞌiyo Xuufiyan deꞌiya haasayissiyo qofaa goꞌettana koshshees. SHin, hara qonccissoy imettana xayikko, oyshaa, xiqisiyaa woy haroode giya qofata bantta moottaa hanotaadan laammidi goꞌettana danddayoosona. Hagee Tamme 2020 xannaꞌiyo xuufiyan sinttaa 8n deꞌiya qofay laamettidoogaa bessees.